গম্ উপদেজ্ 8:28 - Chakma Bible

²⁸ তে যেক্কেনে উগুরেদি আগাজ্‌ছান থিদেবর্ গোজ্যে আর মাদি তলেদি দাঙর্ দাঙর্ পয়নালাগুন দরমর গুরি থিদেবর্ গোজ্যে,

গম্ উপদেজ্ 8:28 ပူးပေါင်းရင်းမြစ်များ

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 1:9

ইয়েন পরেদি গোজেনে কলঅ, “আগাজ তলেদি বেক্‌ পানিগান এক্কান জাগাত্‌ জমা ওক্‌ আর শুগুনো জাগা দেগা দুয়োগ্‌।” আর সিয়েনই অলঅ।

পত্থম 7:11

নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

পত্থম 8:2

ইয়েন আগেদি মাদি তলেত্তুন্‌ বেক্‌ পানিগান নিগিলেনা আর আগাজর্‌ বেক্‌ ফাদা মারানি নাঢা গেলঅ সেক্কে আগাজত্তুন্ ঝড় পড়ানায়ো থামেল।

ইয়োব 26:8

তা মেঘছাগ ভিদিরে তে পানি আক্‌‌সোই রাগাই, মাত্তর্ সিয়েনর ভরে মেঘছাগ্‌‌কানি ফাদি ন-যায়।

ইয়োব 38:16

বড়গাঙর্ জর্মেয়্যে জাগানত্ কি তুই যেইয়োচ্ বা সাগর তলাত্ আট্যচ্?

গীতসংহিতা 104:7

মাত্তর্ সেই পানিগান তঅ উগুমে গেলগোই; সিয়েন গেলগোই তঅ গুজুরোনিত্।

গীতসংহিতা 146:6

লগেপ্রভু আগাজ্ আর পিত্‌থিমীগান, সাগর আর তা ভিদিরে বেক্কানি বানেয়্যে; তে উমরত্যে বিশ্বেজি থায়।

গম্ উপদেজ্ 3:19

লগেপ্রভু গম্ বুদ্ধি দিইনে পিত্‌থিমীর গড়াগান বানেয়্যে, বিচের বুদ্ধিলোই আগাজ্‌ছানরে তা জাগানত্ রাগেয়্যে।

গম্ উপদেজ্ 8:27

তে যেক্কেনে দেবাবো থিদেবর্ গোজ্যে সেক্কেনে মুই সিদু এলুং; তে যেক্কেনে সাগর উগুরে চেরোকিত্তে দুযিগুন ঠিগ্ গোজ্যে, সেক্কেনে মুই সিয়েনত্ এলুং।

গম্ উপদেজ্ 8:29

তে যেক্কেনে সাগর দুযিগান থির্ গোজ্যে যেন পানিগান তা পরিমান বারেদি পার্ ওই ন-এজে, যেক্কেনে তে পিত্‌থিমীর গড়াগান ঠিগ্ গোজ্যে,

মথি লেখ্যে গম্ হবর্ 8:26

সেক্কে তে তারারে কলঅ, “কম্-বিশ্বেসীগুন, কিত্তে তুমি দরর্?” ইয়েনর্ পরেদি তে উদিনে বোইয়্যের্ আর সাগরানরে ধমক্ দিলো। সেক্কে বেক্কানি অলর্ ওই গেলঅ।