গম্ উপদেজ্ 8:20 - Chakma Bible

²⁰ মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

গম্ উপদেজ্ 8:20 ပူးပေါင်းရင်းမြစ်များ

গীতসংহিতা 23:3

তে মরে নুয়ো গুরিনে বল্ দে; তার্ নিজো নাঙান্ রোক্ষ্যে গুরিবাত্তে মরে ন্যায়র্ পধেদি চালায়।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গম্ উপদেজ্ 2:20

জ্ঞানানে তরে সিয়েনিত্তুন্ রোক্ষ্যে গুরিবো যেনে তুই গম্ মানুচ্চুনোর পধেদি, গোজেন ভক্তগুনোর্ পধেদি যেই পারচ্।

গম্ উপদেজ্ 2:9

যুনি তুই মঅ কধাগান শুনোচ্, সালে বুঝি পারিবে কুবোন্ যগাজ্যে, দোল্ আর গম আর বুঝি পারিবে ভালেদির্ বেক পধ্‌তানি;

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

গম্ উপদেজ্ 6:22

আঢিবার সময়োত্ সিয়েনিয়ে তরে পথ্ দেগেব, ঘুমেবার সময়োত্ তরে চুগি দিবো আর জাগিলে তঅ সমারে কধা কবঅ;

গম্ উপদেজ্ 8:19

সনাত্তুন্‌অ বেশ্, এন্ কি, খাটি সনাত্তুন্‌অ বেশ্ মর্ দিয়্যে ফলুন গম্; মুই যিয়েনি দুয়োং সিয়েনি বেঈ লোইয়্যে রূবোত্তুন্‌অ বেশ্ খাটি।

গম্ উপদেজ্ 8:21

যিগুনে মরে কোচ্‌পান তারা ধন-সম্পদ পান; মুয়ই তারার ধনভান্ডালত্ ভোরেই দুয়োং।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যোহন 10:3

ভেড়া ঘরান্ যে চুগিদে তে সেই ভেড়া গরগ্‌কোরে দুয়োরান্ খুলি দে। ভেড়াগুনে তা ডাগনি শুনোন্, আর সেই ভেড়া গরগ্‌কো তা নিজো ভেড়াগুনোর্ নাঙানি ধুরি ডাগিনে বারেদি নেযায়।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”