গম্ উপদেজ্ 8:17 - Chakma Bible

¹⁷ যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

গম্ উপদেজ্ 8:17 ပူးပေါင်းရင်းမြစ်များ

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

গম্ উপদেজ্ 1:28

“ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

গম্ উপদেজ্ 2:4

যুনি রূবো তগাইদ্যে ধোক্ক্যেন্ গুরি গম বুদ্ধিগানরে তগাচ্ আর লুগেয়্যে ধন ধোক্ক্যেন গুরি সিয়েন তোগেই চাহ্,

গম্ উপদেজ্ 2:5

সালে লগেপ্রভু উগুরে ভোক্তিবলা দরানাগান্ কি, সিয়েন তুই বুঝি পারিবে আর গোজেন পৌইদ্যেনে জ্ঞান পেবে;

গম্ উপদেজ্ 4:6

জ্ঞানানরে ন-ছাড়িচ্, তেয়ই তরে রোক্ষ্যে গুরিবো; তারে কোচ্‌পেচ্, তেয়ই তঅ উগুরে খিয়েল্ রাগেব।

গম্ উপদেজ্ 8:16

মঅ মাধ্যমে শাজন্‌গুরিয়্যেগুনে আর নেতাগুনে শাজন-কামানি চালান; তারা বেক্কুনে বিচেরগর্ কাম গরন্।

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

পরমগীত 3:4

তারারে ফেলেইনে উজেই যাদে মুই মর্ পরাণর্ কোচ্‌পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং। ‌‌‌‌‌‌‌‌‌

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

মার্ক 10:14

যীশু সিয়েন দেগিনে রাগ্ ওইনে শিচ্চ্যগুনোরে কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া গোজেন রেজ্যগান্ ইগুনো ধোক্ক্যেন্ মানুচ্চুনোত্যে।

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 16:27

বাবা নিজে দঅ তমারে কোচ্‌পায়, কিয়া তুমি মরে কোচ্‌পেইয়ো আর বিশ্বেজ্ গোজ্য যে, মুই বাবা গোজেনত্তুন্ এচ্চ্যং।

যোহন 5:4

এক্কো স্বর্গদূতে অক্‌ত অক্‌ত সে পোর্‌‌বোত্ লামিনে পানি এলোনি-ফেলোনি গুরিদো, আর সে পরেদি যে পৌইল্যা পানিত্ লামিদো তার্ যে কনঅ পিড়ে গম্ ওই যেদঅ। সেনত্তে বেক্‌ পিড়েল্ল্যেগুনে পানি লুরিবোদে আজায় সিধু পড়ি থেদাক্।

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।