গম্ উপদেজ্ 7:10 - Chakma Bible

¹⁰ সে অক্তত্ এক্কো মিলে তা লগে দেগা গুরিবাত্তে নিগিলি এলঅ; তা কিয়্যেত্ বেশ্যেমিলের্ পজাক্ উজ্যে আর তা মনান্ এলদে ছলনালোই ভরা।

গম্ উপদেজ্ 7:10 ပူးပေါင်းရင်းမြစ်များ

পত্থম 3:1

লগেপ্রভু গোজেনর বানেয়্যে মাদি উগুরে ঝার্‌বো পরাণবলাগুনো ভিদিরে সাপ্পো এলদে বেক্কুনোত্তুন্ চালাক্‌। এ সাপ্পো একদিন্যে সে মিলেবোরে কলঅ, “গোজেনে কি হামাক্কায় তমারে কোইয়্যে, বাগানর বেক্‌ গাজ গুলোগুন তুমি হেই ন-পারিবা?”

২ রাজাবলী 9:22

যোরামে যেহূরে দেগিনে পূযোর্‌ গুরিলো, “যেহূ, তর্ এজানার্‌ উদ্দেশ্যগান্‌ গম্‌ দঅ?” জোবত্‌ যেহূ কলঅ, “তর্‌ মাবো ঈষেবলর মূত্তিপূজো আর যাদুবিদ্যের কামানি যেক্কে এদক্‌ বেশ্‌ চলের্‌ সেক্কে মর্‌ এজানার্‌ উদ্দেশ্যগান কেন্‌জানগুরিনে গম্‌ ওই পারে?”

২ রাজাবলী 9:30

ইয়েনর্ পরেন্দি যেহূ যিষ্রিয়েলত্‌ গেলঅ। ঈষেবলে সে কধাগান শুনিনে চোগোত্‌ কাজল্‌ দিইনে আর দোল্‌ গুরি চুল বানিনে জান্দালান্দি চেলঅ।

গম্ উপদেজ্ 23:28

সেবাবোত্যে মিলে ডাগেদ ধোক্ক্যেন্ উৎ পাদি থান্, আর মান্‌জ্য ভিদিরে অবিশ্বেজি বাড়েই দুয়োন্।

যিশাইয় 23:16

ও ভুলি যেইয়্যে বেশ্যে মিলে, বীণালোই শঅরত্ আঢি আঢি বেড়া। গমেডালে বীণা বাজা; ভালোক্কুন গীদ্ গাহ্ যেনে তরে আরঅ ইদোত্ রাগা যায়।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

১ তীমথিয় 2:9

মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।