গম্ উপদেজ্ 6:17 - Chakma Bible

¹⁷ বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

গম্ উপদেজ্ 6:17 ပူးပေါင်းရင်းမြစ်များ

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

গীতসংহিতা 18:27

তুই দুখিগুনোরে রোক্ষ্যে গুরি থাচ্ আর বার্‌বোগুনোরে তলে লামাচ্।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গম্ উপদেজ্ 1:11

ধোজ্য, কনজনে কলঅ, “আমা লগে এজঅ, খুন গুরিবাত্তে যেই আমি হাপ্ দি থেই, কনঅ নিদ্দুযি মান্‌জ্যরে ধুরিবাত্তে পোল্ল্যেই থেই।

গম্ উপদেজ্ 1:16

কিত্তে তারা টেঙানি পাপ কামত্ যায়, খুন গুরিবাত্তে তারা ধাবা যান্।

গম্ উপদেজ্ 12:22

মিজেকধলোই ভরা মুয়োনরে লগেপ্রভু ঘিনাই, মাত্তর্ যে মানুচ্চুনে গমেডালে চলন্ তারা উগুরে তে হুজি অয়।

গম্ উপদেজ্ 14:5

বিশ্বেজি সাক্ষি মিজে কধা ন-কয়, মাত্তর্ অবিশ্বেজি সাক্ষি মিজে কধা কয়।

গম্ উপদেজ্ 16:5

যিগুনোর মনানি বাড়্‌‌বো তারারে বেক্কুনোরে লগেপ্রভু ঘিনাই; তুমি ঘেচ্চেকগুরি হবর্ পঅ তারা সাজা পেবাক্কে পেবাক্।

গম্ উপদেজ্ 17:7

চিগোন মন মানুচ্চুনোর দাঙর্ দাঙর্ কধা কনা ন-মানায়, আরঅ দাঙর্ মান্‌জ্যর মিজে কধা কনায়ো ন-মানায়।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

গম্ উপদেজ্ 26:28

মিজে কধা কোইয়্যেবো তা জিলান্দোই যিগুনোরে আঘাত্ গোজ্যে তারারে তে ঘিনেই, আর খোসামুদে মুয়োন অন্যগুনোর দজা ডাগি আনে।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

গম্ উপদেজ্ 30:13

তারার চোগ্‌কুন বাড়্‌‌বো, তারার রিনি চানাগান্অ বেদোক্ক্যেন্,

গম্ উপদেজ্ 6:16

লগেপ্রভু কমেদি সাততান্ জিনিস ঘিনেই সিয়েনি তাইদু জঘন্য:

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 3:16

লগেপ্রভু আরঅ কলঅ, “সিয়োনর মিলেগুন্ বাড়্‌বো। তারা মাঢাবো উজু গুরি আঢি বেড়ান্ আর চোগেদি ইজিরে দুয়োন্; টেঙ নূপুরোর্ রুম্‌ঝুম রঅবো তুলিনে তারা পাদল্ টেঙানিলোই কায়দা গুরিনে আঢন্।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

দ্বি’লম্বর বিররণ 19:10

তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 27:25

সে মানুচ্চো অভিশাব খেইয়্যে, যে নিদ্দুজি মান্‌জ্যরে খুন গুরিবাত্তে ঘুষ নেযায়। সেক্কে বেক্কুনে কবাক, আমেন।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।