গম্ উপদেজ্ 6:16 - Chakma Bible

¹⁶ লগেপ্রভু কমেদি সাততান্ জিনিস ঘিনেই সিয়েনি তাইদু জঘন্য:

গম্ উপদেজ্ 6:16 ပူးပေါင်းရင်းမြစ်များ

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গম্ উপদেজ্ 11:1

ঠগাইদ্যে পাল্লাবো লগেপ্রভু ঘিনাই, মাত্তর্ যগাজ্যে সিলুনোত্তে তে হুজি অয়।

গম্ উপদেজ্ 11:20

যিগুনোর মনানি কুজুরো লগেপ্রভু তারারে ঘিনেই, মাত্তর্ যিগুনে দোল্ জিংকানি কাদান তারা উগুরে তে হুজি অয়।

গম্ উপদেজ্ 12:22

মিজেকধলোই ভরা মুয়োনরে লগেপ্রভু ঘিনাই, মাত্তর্ যে মানুচ্চুনে গমেডালে চলন্ তারা উগুরে তে হুজি অয়।

গম্ উপদেজ্ 17:15

যিগুনে দুষি মান্‌জ্যরে নিদ্দুষি বিলিনে ধরন আর যিগুনে নিদ্দুষিরে দুষি বানান্, তারারে দ্বিয়জনরে লগেপ্রভু ঘিনেই।

গম্ উপদেজ্ 20:10

ঠিগ্ নেইয়্যে সিল্ আর পাল্লালোই মাবানা-এ দ্বিয়েন লগেপ্রভু ঘিনেই।

গম্ উপদেজ্ 20:23

লগেপ্রভু মাবদি কম্ সিলুন্ ঘিনেই; ঠগাইদে পাল্লাবো গম্ নয়।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

গম্ উপদেজ্ 3:32

কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।

গম্ উপদেজ্ 30:18

তিনেন্ জিনিস মইদু অমকদ আমক্ লাগে, আজলে চেরান্ জিনিস মুই বুঝি ন-পারং-

গম্ উপদেজ্ 30:21

পিত্‌‌থিমীগান তিনেন্ জিনিজোর্ ভরে গির্‌গিরেই, আজলে চেরানর্ ভর্ তে সোজ্য গুরি ন-পারে-

গম্ উপদেজ্ 30:24

পিত্‌‌থিমীত্ চেরান্ জিনিস চিগোন, তো সিয়েনি অমকদ জ্ঞানেদি ভর্‌‌পুনং-

গম্ উপদেজ্ 30:29

তিনেন্ জিনিস আঘে যিগুনে বাঈনী গুরিনে টেঙানি ফেলান্, আজলে চেরান্ জিনিস বাঈনী গুরিনে আঢে-

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

আমোষ 1:3

লগেপ্রভু কত্তে, “দামেস্কর তিনেন্ পাপ, এমন কি, চেরান্ পাপত্তে মুই হামাক্কায় তারে সাজা দিম, কিত্যে লুয়োর্ কাদাবলা মাড়েদে-মেশিনদোই তে গিলিয়দরে মাজ্যে।

আমোষ 1:6

লগেপ্রভু কত্তে, “গাজার তিনেন্ পাপ, এন্ কি, চেরান পাপর্ কারনে মুই ঘেচ্চেকগুরি তারে সাজা দিম, কিত্যে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

আমোষ 2:1

লগেপ্রভু কত্তে, “মোয়াবর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে তে ইদোমর্ রাজার আড়ুন্ পুড়িনে ছেই গুরি দিয়্যে।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

সখরিয় 8:17

তুমি কারঅ বিরুদ্ধে কুজুরোমী ন-গুরিবা আর মিজে সাক্ষি ন-দিবা। মুই লগেপ্রভু ইয়েনি বেক্কানি ঈচ্ গরং।”

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

দ্বি’লম্বর বিররণ 24:4

মাত্তর্‌ তার্‌ পত্তম নেক্কো, যে তারে ছুড়্ কাবোজ্ দিয়্যে তে তারে আর লোয় ন-পারিবো, কিত্যে তে অসিজি ওই যেইয়্যে। এধোক্ক্যেন লো-লি অনা লগেপ্রভু ঘিনাই। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ তুমি ইঙিরিনে সিয়েন উগুরে পাপ ডাগি ন-আনিবা।

দ্বি’লম্বর বিররণ 25:16

ইয়েনর কারণান্ অলদে, যে ইয়েনি বেক্কানি গরে, অত্তাৎ যে মান্‌জ্যরে ঠোগেইনে বেড়ায় তমার গোজেন লগেপ্রভু তারে ঘিনাই।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।