14 বজং মনে নিত্য কুজুরোমি গরে আর যাগুলুক্ বাজায়।
তারা মনে মনে কুজুরো ফন্দি গরন্ আর পত্তিদিন যুদ্ধ বাজান্।
সাপ ধোক্ক্যেন তারা জিলানি ধারেয়্যে গোজ্যন্; তারা ঠুট্ঠুনো তলে যেন সাপ বিষ আঘে।
বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্পান্।
যিগুনে বজং কাম গুরিবাত্তে ফন্দি গরন্ তারা কি ভান্ন্যেই পধেদি ন-যান? মাত্তর্ যিগুনে বজং কাম গুরিবাত্তে সল্লা গরন তারার বিশ্বেজ্ আর সততাগান্ আঘে।
চিগোন মন মানুচ্ বজং কাম গুরিবাত্তে কুজুরোমি গরে; তা কধাবাত্তানি পুড়ি দেদে আগুনো ধোক্ক্যেন্।
যে মানুচ্চোর মনান্ কুজুরো তার ভালেদি ন-অয়; যে মানুচ্চো ছলনার কধা কয় তে দজাত্ পড়ে।
যিগুনে ভান্ন্যেই কামত্ হুজি অন, ভান্ন্যেই কু কামত্ যিগুনোর রঙ্গ-ফুত্তি,
দুষি মান্জ্যর জিংকানির-পথ্তান বেঙা-কঙা, মাত্তর্ খাটি মান্জ্যে গমেডালে কাম গরন্।
যে মানুচ্চো বজং বীজি ফেলায় তে দজার্ ফসল কাবিবো; তে রাগে যে অত্যেচারানি গরে সিয়েনি থামেই যেবঅ।
যে কনজনে ভান্ন্যেয়র পরিকল্পনা গরে মান্জ্যে তারে কুজুরোমি গুরিয়্যে বিলি হবর্ পান।
তঅ পাড়াল্যেগুনো বিরুদ্ধে কনঅ বজং সল্লা ন-গুরিচ্, তে দঅ তঅ কায়-কুরে গমেডালে বজত্তি গরের্।
কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।
বদ্মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।
মাত্তর্ পাজিগুনে দুলি দুলি থেইয়্যে বড় সাগর ধোক্ক্যেন যিয়েনর তুবোলানে পাক্কাবাই আর কাদা উগুরে তুলে।
লগেপ্রভু মরে কলঅ, “ও মান্জ্যর পুয়োবো, ইগুন সেই মানুচ্ যিগুনে শঅর ভিদিরে কুজুরোমি গত্তন্ আর ভান্ন্যেই সল্লা দেদন্।
তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।
অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।
ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,