গম্ উপদেজ্ 6:12 - Chakma Bible

¹² যে মানুচ্চো জঘন্য আর পাজি তে ভান্ন্যেই কধা মুয়োত্ গুরিনে ঘুরি ঘুরি বেড়ায়;

গম্ উপদেজ্ 6:12 ပူးပေါင်းရင်းမြစ်များ

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 10:7

তা মুয়োন্ অভিশাবে, ঠোগেয়্যে আর অত্যেচারর্ কধালোই ভরা; তা জিলানত্ রোইয়্যেদে অন্যেয় আর ভান্ন্যেয়র্ কধা।

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গম্ উপদেজ্ 10:32

গোজেন ভক্তগুনোর্ মুয়োনিয়ে যোগাজ্যেগুরি কধা কোই জানে, মাত্তর্ পাজিগুনোর মুয়োনিয়ে বানা বেঙা বেঙা কধা কয়।

গম্ উপদেজ্ 11:6

গম মানুচ্চুনোর গোজেন ভোক্তিগানে তারারে রোক্ষ্যে গরে, মাত্তর্ অবিশ্বেজি মানুচ্চুনে নিজোর লুভে ফালত্ পড়ন্।

গম্ উপদেজ্ 16:27

চিগোন মন মানুচ্ বজং কাম গুরিবাত্তে কুজুরোমি গরে; তা কধাবাত্তানি পুড়ি দেদে আগুনো ধোক্ক্যেন্।

গম্ উপদেজ্ 16:30

যে মানুচ্চো চোগো ইজিরে দে তে কুজুরোমি গরে; যে মানুচ্চো ঠুট্‌‌তো বেঙা গরে তে বজং কাম গুরিবো বিলিনে ঠিগ্ গোজ্যে।

গম্ উপদেজ্ 17:4

পাজি মান্‌জ্যে ভান্ন্যেই কধা শুনে; মিজে কধা কোইয়্যে সর্বনাশ কধা শুনে।

গম্ উপদেজ্ 2:12

সেক্কে পাজি মানুচ্চুনোত্তুন্ জ্ঞানানে তরে রোক্ষ্যে গুরিবো; রোক্ষ্যে গুরিবো তারাত্তুন্- যিগুনে মিজে কধা কন্,

গম্ উপদেজ্ 3:32

কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।

গম্ উপদেজ্ 4:24

তঅ মুয়োনত্তুন্ বেঙা টেরা কধাগানি দূর গুরি দে, ঠুদোত্তুন্ বজং কধানি দূরোত্ সোরেই দে।

গম্ উপদেজ্ 6:14

বজং মনে নিত্য কুজুরোমি গরে আর যাগুলুক্ বাজায়।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিরমিয় 24:2

এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

যাকোব 3:6

সেধোক্ক্যেন জিলান্অ ঠিগ্ আগুনো ধোক্ক্যেন। আমা কিয়্যেগানিত্ যেদক্কানি জিনিস্ আঘে সিয়েনি ভিদিরে জিলান্ যেন এক্কান ভান্ন্যেয়র্ দুনিয়া। নরগর্ আগুনোত্ জুলি উদিনে তে গোদা কিয়্যেগানরে বর্‌বাদ্ গরে আর জিংকানি-পধত্ আগুন ধোরেই দে।

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”