গম্ উপদেজ্ 5:22 - Chakma Bible

²² পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

গম্ উপদেজ্ 5:22 ပူးပေါင်းရင်းမြစ်များ

১ রাজাবলী 18:18

জোবত্‌ এলিয় কলঅ, “মুই কাদা নয়, মাত্তর্‌ তুই আর তঅ বাবঅ বংশর্‌ মানুচ্চুনে ইস্রায়েলর কাদা। তুমি লগেপ্রভুর উগুমানি ছাড়িনে বাল দেবেদাগুনোর্‌ পিজেন্দি যেইয়ো।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইয়োব 18:8

তা টেঙানে তারে জাল ভিদিরে ঠিলি ফেলেব; তে সেই জাল ভিদিরে টেঙ্‌ দিবো।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

গীতসংহিতা 9:15

অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

গীতসংহিতা 9:17

যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

গম্ উপদেজ্ 1:18

এ মানুচ্চুনে নিজে খুন্ অবাত্তে হাপ্ দি থান, নিজে শেজ্ অবাত্তে পৌল্যেই থান্।

গম্ উপদেজ্ 11:3

গম মানুচ্চুনে পরিচালিত অন্ তারার গম্ কামানিলোই, মাত্তর্ অবিশ্বেজি মানুচ্চুনে ভস্ত অন্ নিজোর ছলনালোই।

গম্ উপদেজ্ 11:5

গম মানুচ্চুনোর গোজেন ভোক্তিগানে তারাত্তে উজু পথ্ বানেই দে, মাত্তর্ পাজিগুনোর পতন অয় তারার পাজি কামানিলোই।

গম্ উপদেজ্ 11:6

গম মানুচ্চুনোর গোজেন ভোক্তিগানে তারারে রোক্ষ্যে গরে, মাত্তর্ অবিশ্বেজি মানুচ্চুনে নিজোর লুভে ফালত্ পড়ন্।

গম্ উপদেজ্ 12:14

মানুচ্ তা কধালোই ভালেদি ওই পারে, আর তা কাম মজিম্ তে ফল পায়।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 18:7

বিবেচনানেইয়্যেবোর মুয়োন তার দজার্ কারন; তা কধালোই তা জিংকানিগান ফালত্ পড়ে।

গম্ উপদেজ্ 24:12

তুই যুনি কচ্, “মাত্তর্ আমি কিচ্চু হবর্ ন-পেদং,” মাত্তর্ যিবে রিবেঙান্ মাবে তে কি তঅ কধাগান বিচের গুরি ন-চেবঅ না? যিবে তঅ জিংকানগান রোক্ষ্যে গরে তে কি সিয়েন হবর্ ন-পেবঅ না? তে কি পত্তি মান্‌‍জ্যরে তার কাম মজিম ফল ন-দিবো না?

গম্ উপদেজ্ 26:27

যে মানুচ্চো গাদ্ খুড়ে তে সিবে ভিদিরে পড়ে; যে মানুচ্চো পাত্তর্ গোজ্যেই দে তা উগুরে সিবে ফিরি এজে।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

বিচের গুরিয়্যেগুন 20:41

সে সময়োত্‌ ইস্রায়েলীয়গুনে মুয়োন্‌ ফিরেলাক্‌ আর সেক্কে বিন্যামীনীয়গুনে অমকদ দোরেলাক্‌। তারা বুঝি পারিলাক্‌, তারা উগুরে মরণ দজা এচ্চ্যে।

বিচের গুরিয়্যেগুন 9:57

শিখিমোর মানুচ্চুনে যেদক্কানি অন্যেয় গোজ্যন্ তার পাওনা সাজা গোজেনে তারারেয়ো দিলো। ইঙিরিনে যিরুব্বালর পূঅ যোথমর ব-নিঝেচ্‌সো তারা উগুরে পড়িলো।