গম্ উপদেজ্ 5:11 - Chakma Bible

¹¹ জিংকানির শেজত্ যেক্কেনে তঅ কিয়্যে আর য়েরাগান ভস্ত অবঅ সেক্কেনে তুই আবিলেচ্ হেবে।

গম্ উপদেজ্ 5:11 ပူးပေါင်းရင်းမြစ်များ

গম্ উপদেজ্ 2:19

যিগুনে তাইদু যান্ তারা কনজনে আর্ ফিরি ন-এজন, তারা বাঁজিবার পথ্‌তান্ ন-পান।

গম্ উপদেজ্ 5:10

সেক্কে ন-চিন্যে মানুচ্চুনে তঅ ধন-সোম্বোত্তিগানি ভোগ গুরিবাক্, আর তঅ কামর্ ফলুন যেবাক্ অন্য মানুচ্চুনো ঘরত্।

গম্ উপদেজ্ 5:12

তুই কবে, “হায়! মুই শাজন্ গরানাগান্ ঘিনেয়োং, মঅ মনানে বুদুলিবার কধাগান ঈচ্ গোজ্যে।

গম্ উপদেজ্ 7:23

পেগ্‌কুনে যেবাবোত্যেগুরি ফালত্ পুরিবাত্তে যান আর যেরেদি তা কলিজেত্ সেল্ ফুদি যায়, সেধোক্ক্যেন গুরি সেই মানুচ্চো হবর্‌অ ন-পায়, ইয়েনত্ তার পরাণান্ যেবঅ।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

গণাণা 5:27

মিলেমানুচ্চো যুনি অসতী ওইনে নেগরে বিশ্বেজ্ ন-গরে সালে অভিশাবর্‌ এই পানিগান্‌ তারে হাবানার্‌ পরেদি সিয়েন্‌ তার্‌ পেদত্‌ যেইনে তারে অমহদ দুখ্‌ দিবো। তার্‌ পেট্টো ফুলি উদিবো আর মিলে-জিনিসচান অকেজো ওই যেবঅ আর তা মানুচ্চুনে তার্‌ নাঙান্‌ অভিশাব ইজেবে বেবহার্‌ গুরিবাক।

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।