গম্ উপদেজ্ 4:23 - Chakma Bible

²³ বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

গম্ উপদেজ্ 4:23 ပူးပေါင်းရင်းမြစ်များ

২ রাজাবলী 10:31

তো যেহূ পুরো মনান্‌ দিইনে ইস্রায়েলর গোজেন লগেপ্রভুর রীদি-সুদোমানি মানি চলানার পৌইদ্যেনে উজিয়ার্‌ ন-অলঅ। যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়োত্তুন্‌ তে সুরি ন-এলঅ।

গম্ উপদেজ্ 11:16

দোল্ স্বভাবর মিলে সর্মান পায়, আর অত্যেচারি মানুচ্চুনে ধন পান।

গম্ উপদেজ্ 13:3

যে তা মুয়োন উজিয়ার গুরি রাগায় তে তা পরাণান্ বাজায়, মাত্তর্ যে উজিয়ার ন-ওইয়্যে গুরি কধা কয় তার দজা অয়।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 22:5

কুজুরো মান্‌জ্যর পধেদি থাইদ্যে কাদা আর ফাল্, মাত্তর্ তে নিজোরে উজিয়ারে রাগায় তে সিয়েনিত্তুন্ দূরোত্ থায়।

গম্ উপদেজ্ 23:19

মঅ পুয়োবো, কধাগান শুন, জ্ঞানী অ, তঅ রিবেঙান্ ঠিগ্ পধেদি চালা।

গম্ উপদেজ্ 28:26

যে নিজো জ্ঞান উগুরে নির্ভর গরে তে বিবেচনা নেইয়্যে, মাত্তর্ যে গোজেনর দিয়্যে বুদ্ধির পধেদি চলে তে গমেডালে থায়।

গম্ উপদেজ্ 3:21

মঅ পুয়োবো, তুই তরিৎ বুদ্ধি আর বিচের বুদ্ধি রোক্ষ্যে গর্, সিয়েনত্ মনযোগ দিচ্।

গম্ উপদেজ্ 4:7

জ্ঞানী অনার পত্তমান্ অলঅ জ্ঞানান্ পানা; তর্ যিয়েনি আঘে বেক্কানিলোই বিচেরবুদ্ধি লাভ গর্।

উপদেশক 5:13

বেলান তলেদি মুই এক্কান্ অমকদ দুঘোর্ বেপার দেখ্যং-তাগোয়্যেবো বোউত্ ধন থুবেই রাগায় মাত্তর্ যেরেদি তার্ খেতি অয়।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 15:18

মাত্তর্ যিয়েনি মুয়ো ভিদিরেত্তুন্ নিগিলি এজে সিয়েনি মনত্তুন্ এজে, আর সিয়েনিয়ে মান্‌জ্যরে অসিজি গরে।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

মার্ক 14:38

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

লূকে লেখ্যে গম্ হবর্ 6:45

গম্ মান্‌‌‌জ্যে তা রিবেঙত্তুন্ গম্ কধা নিগিলেই আনন্, আর বজং মান্‌‌‌জ্যে তা মনত্তুন্ বজং কধা নিগিলেই আনন্। মান্‌‌‌জ্যর মনানি যিয়েনিলোই ভরা থায় মুয়োনে দঅ সে কধানি কয়।

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।