গম্ উপদেজ্ 31:25 - Chakma Bible

²⁵ খেমতা আর সর্মানান অলঅ তার পোজাক্; ভবিচ্চদর দিনুনো কধা ভাবিনে তার কনঅ চিদে-চজ্জা ন-অয়।

গম্ উপদেজ্ 31:25 ပူးပေါင်းရင်းမြစ်များ

ইয়োব 29:14

সততাগানরে মুই কাবড় ধোক্ক্যেন উরিদুং, আর সততাগানে মরে তা মোক্ক্যেন্দি রাগেদ;

ইয়োব 40:10

সালে নিজোরে সাজাদে চাং বাঈনী আর মহিমালোই, আর নিজোরে পিনেই দে সর্মান আহ্ মানি পোজাক্কোই।

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

ইফিষীয় 4:24

আর গোজেনর্ দিয়্যে নুয়ো “মুই” নুয়ো কাবড় ধোক্ক্যেন উরো। সত্যর্ নিদ্দুজিগান আর পবিত্রতালোই এই নুয়ো “মুই” গোজেন ধোক্ক্যেন গুরি বানা ওইয়্যে।

১ তীমথিয় 2:10

সিয়েনর্ বদলে যেন তারা গম গম কাম্বোই নিজোরে সাজান্। যে মিলেগুনে নিজোরে গোজেন-ভক্ত কোই থান্ সেই মিলেগুনোত্যে সিয়েনই অবঅ যগাজ্জ্যে কাম্।

১ তীমথিয় 2:9

মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।