গম্ উপদেজ্ 31:20 - Chakma Bible

²⁰ দুঘি মানুচ্চুনোত্তে তা আঢ্‌‌তান খুলো; তে অভাবীগুনো ইন্দি আঢ্‌‌তান বাবেই দে।

গম্ উপদেজ্ 31:20 ပူးပေါင်းရင်းမြစ်များ

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গীতসংহিতা 41:2

লগেপ্রভু তারে রোক্ষ্যে গুরিবো আর বাঁজেই রাগেব; দেজত্ তে সুগি অবঅ। তা শত্রুগুনোর আঢত্ তে তারে তুলি ন-দিবো।

গম্ উপদেজ্ 1:24

মুই যেক্কেনে ডাগিলুং সেক্কেনে তুমি মরে এলাফেলা গুরিলে, আত্ বাবেলেয়ো কনজনে সেক্কে মরে শমক্ ন-দিলে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 22:9

যে দানবলা মানুচ্চো তা হানা ভাগত্তুন্ নাঢা মানচ্চুনোরে দে তে বর্ পেবঅ।

গম্ উপদেজ্ 31:19

আঢ্‌‌তোই তে সুদো কাবেদে টাকুগান ঘুরায় আর আঙুল্লোই সুদোগানি কাবে।

মার্ক 14:7

নাঢা মানুচ্চুনে নিত্য তমা সমারে আগন্, আর যেক্কে আওজ্ গরন্ সেক্কে তুমি তারারে সাহায্য গুরি পারঅ, মাত্তর্ মরে তুমি নিত্য ন-পেবা।

রোমীয় 10:21

মাত্তর্ ইস্রায়েলীয়গুনো পৌইদ্যেনে তে কোইয়্যেদে, “অবাধ্য আর একবুচ্চ্যে মানুচ্চুনো ইন্দি মুই গোদা দিন্নো মঅ আঢ্‌‌‌তানি বাবেই রাগেয়োং।”

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

দ্বি’লম্বর বিররণ 15:11

নাঢা মানুচ্ হামাক্কায় দেজত্‌ আমিঝে থেবাক। সেনত্যে মুই তমারে এ উগুমান দুয়োঙর, তমা ভেইয়ুনো উগুরে আর দেজর নাঢা আর অভাবী মানুচ্চুনো উগুরে তমা আঢ্‌তানি যেনে খুলো থায়।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।