গম্ উপদেজ্ 31:17 - Chakma Bible

¹⁷ তে দরমর গুরিনে কমর্ বানি কামত্ আদ্ দে আর অমকদ কাম্ গরে।

গম্ উপদেজ্ 31:17 ပူးပေါင်းရင်းမြစ်များ

পত্থম 49:24

মাত্তর্‌ তা ধনুগান্‌ সেবাবোত্যে থির্ গুরি রোয়্যে আর্‌ আত্তান্‌ আগেদে সেবাবোত্যে কাবিল্, কিত্তে যাকোবর্ সে বোলী গোজেন আত্তানি তা পিজেদি আঘে। তা পিজেদি আঘে সে রোক্ষ্যে গুরিয়েবো, ইস্রায়েলর্ সেই পাত্তর্‌‌বো।

১ রাজাবলী 18:46

সেক্কে লগেপ্রভুর্‌ বলান্‌ এলিয়ো উগুরে এলঅ। তে তা কাবড়ান্‌ কমর্‌-বিজোনিত্‌ গুজেইনে আহাবর্‌ আগে আগে ধাবা দিইনে যিষ্রিয়েলত্‌ গেলঅ।

২ রাজাবলী 4:29

সেক্কে ইলীশায় গেহসিরে কলঅ, “তঅ কাবড়ানি তঅ কমর্‌-বানোনিগানত্‌ গুজেই লঅ আর মঅ লুদিক্কো আঢত্‌ লোইনে আদি যাহ্। কারঅ লগে দেগা গুরিলে তারে ভালেদি নঅ-জানেবে আর কনজনে তরে ভালেদি জানেলে সিয়েনর্‌ জোব্‌ নঅ-দিবে। মঅ লুদিক্কো পুয়োবোর্‌ মূয়ো উগুরে থোই দিচ্‌।”

ইয়োব 38:3

তুই বীরো ধোক্ক্যেন কমর্ বান্; মুই তরে প্রশ্ন পুযোর্ গুরিম আর তুই মরে জোব্ দিবে।

গম্ উপদেজ্ 31:16

কনঅ ভুই কিনিবার আগেদি তে সিয়েন চেইচাই চিন্তে গরে আর সে পরেদি সিয়েন কিনে; তার নিজো আয়ত্তুন্ তে আংগুর-ক্ষেত্ গরে।

গম্ উপদেজ্ 31:18

তে দেগে, তা কাম গরানাত্তুন্ লাভ জদবদে এজের্; রেদোত্‌অ তা বাত্তিবো জ্বলে।

যিশাইয় 44:12

কামার্‌বো এক্কান মিশিন্ নেযায় আর সিয়েন্দোই জোল্ জোল্যে আঙারা ভিদিরে কাম গরে। তে মাত্তুল্লোই মূত্তিবোর সাইজ্‌চান বানায়, আর আঢ বল্লোই সিবে বানায়। সেক্কে তার পেট্ পুরে আর বল্ কুমি যায়; পানি ন-হেইনে তে বল্‌‌পোজ্যে ওই পড়ে।

হোশেয় 7:15

মুই তারারে যুদ্ধোর্ শিক্ষ্যে দুয়োং আর বোলী গোজ্যং, মাত্তর্ তারা মঅ বিরুদ্ধে ভান্ন্যেয়র্ কুজুরোমি গরন।

লূকে লেখ্যে গম্ হবর্ 12:35

ফারত্ কাবর বেড়েইনে আর তমা চেরাগ্‌‌‌কুন জ্বালেইনে যুক্কোল্ থাগঅ।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ইফিষীয় 6:14

ইয়েনত্যে সত্যলোই কমর্ বানিনে, বুগ্ রোক্ষ্যে গুরিবাত্যে গম্ জিংকানিলোই বুগ্‌কো ঢাগিনে,

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।