গম্ উপদেজ্ 31:10 - Chakma Bible

¹⁰ গম্ আর গুণবলা মিলে কন্না পেই পারে? প্রবাল পাত্তরত্তুন্অ তা দামান বোউত্ বেশ্।

গম্ উপদেজ্ 31:10 ပူးပေါင်းရင်းမြစ်များ

ইয়োব 28:18

তাইদু প্রবাল আহ্ স্ফটিকোর্‌অ দাম নেই; পদ্মরাগমণিত্তুন্‌অ জ্ঞানর মূল্য বেশ্।

গম্ উপদেজ্ 12:4

গম্ আর গুণবলা মোগ্ নেগর্ মাঢাবোর মুকুট ধোক্ক্যেন্, মাত্তর্ যে মোক্কো লাজ্ গরে পারা কাম গরে তে তা নেক্কোর পঁচা আড় ধোক্ক্যেন।

গম্ উপদেজ্ 14:1

বুদ্ধিবলা মিলে তা সংসারর্ ভালেদি গরে, মাত্তর্ যে মিলেবোর মনান্ বাজে তে নিজে তা সংসারান্ ভাঙে।

গম্ উপদেজ্ 18:22

যে মানুচ্চো মোগ্ পায় তে বর্ পায় আর লগেপ্রভুত্তুন্ দোয়্যে পায়।

গম্ উপদেজ্ 19:14

ঘর-সংসার আর ধন বাবত্তুন্ পাহ্ যায়, মাত্তর্ বুদ্ধিবলা মোগ্ পাহ্ যায় লগেপ্রভু ইত্তুন্।

গম্ উপদেজ্ 20:15

সনা আঘে, মংগা পাত্তর্‌অ বোউত্ আঘে, মাত্তর্ যে মুয়োনে জ্ঞানর্ কধা কয় তা দামান সিত্তুনো বেশ্।

গম্ উপদেজ্ 3:15

মণি মুক্তোত্তুন্‌অ বেশ্ গমবুদ্ধিগানি মংগা, তর্ চেবার মত কনঅ জিনিজো সমারে সিয়েনর্ তুলোনা ন-অয়।

গম্ উপদেজ্ 31:11

তা উগুরে তা নেক্কো পুরোপুরি বিশ্বেজ্ গরে; তা নেক্কোর চেরোকিত্তেত্তুন্ লাভ অয়।

গম্ উপদেজ্ 8:11

কিত্তে প্রবাল পাত্তরত্তুন্‌অ বেশ্ গম্ বুদ্ধিগানি মংগা; তর্ চাইদ্যে ধোক্ক্যেন কনঅ জিনিজো সমারে সিয়েনির সং ন-অয়।

উপদেশক 7:28

মুই যেক্কেনে জ্ঞানানরে তগাঙর্ মাত্তর্ ন-পাঙর্ সেক্কেনে মুই আজার্ জন ভিদিরে এক্কো খাটি মরদরে পেলুং, মাত্তর্ তারা ভিদিরেত্তুন্ এক্কো মিলেরেয়ো খাটি ন-দেগং।

রূত 3:11

তুই ন-দোরেচ্‌, তুই যিয়েন চেবে মুই তত্তে সিয়েনই গুরিম। মঅ আদামত্‌ বেক্কুনে খবর পান, তুই এক্কো গম্ মিলে।

১ শমূয়েল 25:3

মানুচ্চোর নাঙান্‌ অলঅ নাবল আর তা মোক্কোর নাঙান্‌ এলদে অবীগল। মিলেবো চালাগ আর দোল এলঅ, মাত্তর্‌ তা নেক্কোর বেবহারানি এলদে ঘাত্যে আর বজং। তে এলদে কালেব বংশর মানুচ্‌।