গম্ উপদেজ্ 30:9 - Chakma Bible

⁹ সিয়েন ন-অলে অয়ত মর্ বেশ্ থেবঅ আর মুই তরে অস্বিগের্ গুরিনে কোম্, “লগেপ্রভু কন্না?” বা মুই নাঢা ওইনে চুর্ গুরিম আর মুই গোজেনর নাঙান্ অসর্মান গুরিম।

গম্ উপদেজ্ 30:9 ပူးပေါင်းရင်းမြစ်များ

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

গম্ উপদেজ্ 29:24

যে চুর্ গোজ্যেবোর সমাজ্যে তে নিজে নিজোর্ শত্রু; তারে শমক্ গোজ্যেগান্ শুনেলেয়ো তে কনঅ কিজু স্বিগের্ ন-গরে।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 5:12

তারা লগেপ্রভুর পৌইদ্যেনে মিজে কধা কদন্। তারা কদন, “তে কিচ্চু ন-গুরিবো। আমার কনঅ খেতি ন-অবঅ; আমি কনদিন্‌অ যুদ্ধো বা ভাদড়াত্ ন-দেগিবোং।

যিহিষ্কেল 23:35

তুই মরে ভুলি যেইয়োচ্ আর তঅ পিজেদি মরে ঠিলি দুয়োচ্ বিলিনে তত্তুন্ তর্ বেভিচের্ আর বেশ্যেগিরির ফল ভুগো পুরিবো। মুই প্রভু লগেপ্রভু এ কধাগান কঙর্।”

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

লেবীয় 5:1

“নিজোর্‌ দেগানা বা শুনোনা কনঅ পৌইদ্যেনে বিচের অক্তত্‌ সাক্ষী দিবার্‌ সুযোগ পেইনেয়ো যুনি কনজনে জুরো গুরি থায়্‌ ছালে সিয়েন্‌ তার্‌ পক্ষে পাপ অবঅ আর সে অন্যেয়ানত্তে তারে দায়ী গরা অবঅ।”

মথি লেখ্যে গম্ হবর্ 26:72

সেক্কে পিতরে শমক্ হেইনে আরঅ অস্বিগের্ গুরিনে কলঅ, “মুই সে মানুচ্চোরে ন-চিনোং।”

মথি লেখ্যে গম্ হবর্ 26:74

সেক্কে পিতরে নিজোরে অভিশাব্ দিলো আর শমক্ হেইনে কুয়ো ধুরিলো, “মুই সে মানুচ্চোরে মোটেই ন-চিনোং।” আর সেক্কেনে এক্কো রাদাকুরো ডাগ্‌‍কারি উদিলো।

দ্বি’লম্বর বিররণ 31:20

তারার পুরোণি মানুচ্চুনো ইদু মর্‌ শমক্‌ গোজ্যে সেই দুধ আর মধুলোই ভরা দেজত্‌ যেক্কে মুই তারারে নেযেম্‌ আর যেক্কে তারা পেট ভরা খেইনে সুগেই থেবাক সেক্কে তারা মরে ঈচ্ গুরিনে মর্‌ সুদোমানি ভাঙিনে দেব-দেবেদাগুনোর্ পিজেন্দি যেইনে তারারে পূজো গুরিবাক।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

যিহোশূয় 24:27

পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”