গম্ উপদেজ্ 30:4 - Chakma Bible

⁴ কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

গম্ উপদেজ্ 30:4 ပူးပေါင်းရင်းမြစ်များ

পত্থম 32:29

যাকোবে তারে কলঅ, “কোজোলী গরং, তুই কঅ তঅ নাঙান্‌ কি?” তে কলঅ, “তুই মঅ নাঙান্‌ কিত্তে পুযোর্‌ গরর্‌?” এ কধাগান কোইনে তে যাকোবরে বর্ দিলো।

ইয়োব 11:7

গোজেনর গুমুরো পৌইদ্যেনে গভীনান্‌ কত্তমান্‌ সিয়েন্‌ কি তুই বুঝি পারচ্‌? বেগত্তুন্‌ খেমতাবলা গোজেনর দুজি কত্তমান্ সিয়েন্‌ কি তুই বিজিরে চেই পারচ্‌?

ইয়োব 11:8

সিয়েনি যে আগাজত্তুন্‌‌অ অজল্‌ সিয়েন্‌ কি তুমি বুঝি পার? সিয়েনি গোর জাগার্‌ গভীনত্তুন্‌ বেশ্‌ গভীন্‌, তুই কি সিয়েন্‌ হবর্‌ পাজ্‌?

ইয়োব 26:8

তা মেঘছাগ ভিদিরে তে পানি আক্‌‌সোই রাগাই, মাত্তর্ সিয়েনর ভরে মেঘছাগ্‌‌কানি ফাদি ন-যায়।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 24:2

কিত্যে তেয়ই গভীন্ পানি উগুরে পিত্‌‌থিমীর গোড়াগান গাড়েল, আর সেই পিত্‌‌থিমীর মাদিগান তলেদি পানি উগুরে ধুরি রাগেল।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

যাত্রা 15:10

মাত্তর্‌ তুই ফুন্‌ দিইনে বোইয়্যের্‌ ‌দিলে, আর সাগরানেয়ো তারারে ঢাগি ফেলেল। তারা মরং পানি তলাত্‌ শিজে ধোক্ক্যেন গুরি ডুবি গেলাক্।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

রোমীয় 10:6

মাত্তর্ বিশ্বেজর্ মাধ্যমে কেধোক্ক্যেন্ গুরিনে মানুচ্ গোজেনর্ যগাজ্জ্যে অন্ সে পৌইদ্যেনে পবিত্র বোইবোত্ কুয়ো ওইয়্যেদে, “মনে মনে এ কধাগান্ ন-কোইয়ো, ‘কন্না স্বর্গত্ যেবঅ?’ ” ইয়েনর্ মানেগান্ অলঅ, স্বর্গত্তুন্ খ্রীষ্টরে লামেই আনিবাত্যে কন্না স্বর্গত্ যেবঅ?

দ্বি’লম্বর বিররণ 28:58

এ বোইবোত্‌ যেদক্কানি রীদি-সুুদোম লেগা আঘে সিয়েনি যুনি তুমি গমেডালে মানি ন-চলঅ, অত্তাৎ তমার গোজেন লগেপ্রভু বিলিনে ইয়েন যে বাঈনী ‍গুরিবার আর দর্‌ জাগেয়্যে নাঙান্‌ রোইয়্যে যুনি তুমি সে নাঙানরে সর্মান ন-গরঅ,

দ্বি’লম্বর বিররণ 30:12

এ উগুমান স্বর্গত্‌ তুলি রাগানা কনঅ জিনিস নয়, তুমি কবাদে, কন্না স্বর্গত যেইনে সিয়েন আনিনে আমারে শুনেব যেনে আমি সিয়েন পালন গুরি পারিই?

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

বিচের গুরিয়্যেগুন 13:18

তে কলদে, “তুই কিত্তেই মঅ নাঙান্‌ পুযোর্‌ গরর্‌? মঅ নাঙান্‌ কনজনে বুঝি ন-পারন্‌।”