গম্ উপদেজ্ 30:14 - Chakma Bible

¹⁴ তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

গম্ উপদেজ্ 30:14 ပူးပေါင်းရင်းမြစ်များ

ইয়োব 29:17

মুই বজং মানুচ্চুনোর মাড়িগানি ভাঙি দিদুং আর তারা মুয়োত্তুন শিগের্ কারি নেযেদুং।

ইয়োব 41:14

তার্ দর্‌গরেপারা দাদে ঘিজ্যে মুয়ো দোরানে কন্না খুলিবাত্তে সাহস গুরিবো?

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 124:6

ধন্য লগেপ্রভু! শত্রুগুনো দাত্‌তুন্দোই তে আমারে চাবেবাত্তে ন-দে।

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গীতসংহিতা 3:7

ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 52:2

তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 57:5

ও গোজেন, তর্ মহিমাগান দেবাবো সং উদোক্; তর্ বাঈনীগান পিত্‌থিমীগান উগুরে দেঘা দোক্।

গীতসংহিতা 58:6

ও গোজেন, তুই পাজিগুনোর দাত্‌তুন তারার মুয়ো ভিদিরে ভাঙি ফেলা; ও লগেপ্রভু, সেই দামারা সিংহগুনোর ধারেয়্যে দাত্‌তুন তুই ভাঙি ফেলা।

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 28:3

যে নাঢা মানুচ্চুনোর নেতা নাঢা মানুচ্চুনো উগুরে অত্যেচার গরে তে এমন ঝড়র্ নালা ধোক্ক্যেন্ যিয়েনর পরেদি আর কনঅ খেত্‌‌খেত্তি ন-থায়।

গম্ উপদেজ্ 30:15

জোঁকর দ্বিবে ঝি আগন্, তারা “দে, দে” কোই কোই রঅ ছাড়ন্। তিনেন্ জিনিস আঘে যিয়েন কনদিন্‌অ ঈল্ ন-অয়, আজলে চেরান্ জিনিজে কনদিন্‌অ ন-কয়, “যগাজ্যে ওইয়্যে”-

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিহিষ্কেল 22:6

চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 34:3

তুমি দঅ তেল্ খঅ, ভেড়া কেশ্‌‌চোই কাবড় বানেইনে উরো আর বেঈ লোইয়্যে ভেড়া কাবঅ, মাত্তর্ তুমি মেষচুনোর্ যত্তন্ ন-গরঅ।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

ফগদাং পেইয়্যে 9:8

তারার্ চুলানি মিলে চুলো ধোক্ক্যেন আর তারার্ দাত্‌তুন সিংহ দাত ধোক্ক্যেন।