গম্ উপদেজ্ 30:10 - Chakma Bible

¹⁰ গিরোজ ইদু চাগরর্ দুন্নাম ন-গোজ্য, সিয়েন গুরিলে সে চাগর্‌‌বো তরে অভিশাব্ দিবো আর তুই দুষি অবে।

গম্ উপদেজ্ 30:10 ပူးပေါင်းရင်းမြစ်များ

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

গম্ উপদেজ্ 11:26

যে মানুচ্চো শোস্যগুন্ থুবেই রাগায় মান্‌জ্যে তারে অভিশাব্ দুয়োন, মাত্তর্ যে সিয়েনি বেজি দে তে বর্ পায়।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

উপদেশক 7:21

মান্‌জ্যে যিয়েনি কন্ সিয়েনি বেক্কানি ন-শুন্ন্য, অয়ত শুনিবে, তঅ চাগর্‌বো তরে অভিশাব্ দের্;

দানিয়েল 6:13

সেক্কে তারা রাজারে কলাক্, “ও মহারাজ, দানিয়েল নাঙে যিহূদা দেশর বন্দীগুনোর এক্কো তঅ কধায় বা যে উগুমানত্ তুই দস্তক্ গোজ্যস্ সিয়েনত্ কান ন-পাদে। তে এজ সং দিনে তিনপল্লা তবনা গরে।”

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

দ্বি’লম্বর বিররণ 23:15

কারঅ চাগর্‌ যুনি তমা ইদু এইনে আশ্রয় নেযায় সালে তার্‌ গিরোজর্‌ আদত্‌ তারে ফিরেই ন-দুয়ো।

১ শমূয়েল 24:9

এচ্চ্যে দঅ তুই নিজোর চোগেই দেগিলে, যিদুক্কুন মান্‌জ্যে তরে কোইয়োন দায়ূদে তরে ক্ষতি গুরিবার চেট্ট্যা গোজ্যে, তুই কিত্তে তারার কধানি শুন্যচ্‌?

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’

১ শমূয়েল 30:15

দায়ূদে কলঅ, “সেই লুদেয়্যেগুনো ইদু কি তুই মরে নেযেই পারিবে?” জোবত্‌ তে কলঅ, “তুই গোজেনর্‌ নাঙে শমক্‌ খেইনে কঅ, তুই মরে মারেয়ো ন-ফেলেবে বা মঅ গিরোজ্‌সোর্‌ আঢত্‌ তুলিয়ো ন-দিবে। সালে মুই তরে তারার্‌ ইদু নেযেম্‌।”