গম্ উপদেজ্ 3:9 - Chakma Bible

⁹ তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

গম্ উপদেজ্ 3:9 ပူးပေါင်းရင်းမြစ်များ

পত্থম 28:22

ইবে যে পাত্তর্‌বো মুই থুনি ধোক্ক্যেন গুরি ঠিয়েই রাগেলুং ইয়োদোই অবঅ গোজেন ঘর। ও গোজেন, তুই মরে যিয়েনি দিবে সিয়েনির দশ্‌ ভাগর্‌ এক ভাগ হামাক্কায় মুই তরে ফিরেই দিম্‌।”

২ বংশধর 31:10

সেক্কে সাদোকর্‌ বংশর অসরিয় নাঙে আজল্‌ ধর্মগুরুবো জোবত্‌ কলদে, “লগেপ্রভুর ঘরত্‌ মানুচ্চুনে যেক্কে তারার্‌ দানুন্‌ আনদে আরাম্ভ গুরিলাক্‌ সেক্কেত্তুন্‌ ধুরি আমা খানাগানিয়ো যেধোক্ক্যেন যগাজ্যে ওইয়্যে সেধোক্ক্যেন বেশ্‌অ আঘে বোউত্‌, কিত্যে লগেপ্রভু তা মানুচ্চুনোরে আশিদ্‌বাদ গোজ্যে, আর এ বেক্‌ জিনিসছানি ভালোক্কানি উগুজ্যে।”

২ বংশধর 31:21

গোজেনর আওজ্ মজিম্‌ আদিবাত্তে গোজেনর্‌ ঘরর্‌ কামত্‌ আর রীদি-সুুদোম পালানা পৌইদ্যেনে তে যে কামানি গুরিদো সাৎ সিয়েনি বেক্কানি মন্‌ দিইনে গুরিলো, আর সেনত্তেই তে ফোলেল।

গীতসংহিতা 144:13

আমা গোলা ঘরানি যেন নানান্ বাবোত্যে হানালোই ভরা থায়; আমা ভেড়াগুনে যেন মাদত্ আজার্ আজার্, লাখ্ লাখ্ ছঅ পুদোন্।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

যিশাইয় 43:23

পুজ্যে উৎসর্বত্তে তুই মইদু ভেড়া ন-আনচ্ আর তর্ কনঅ উৎসর্বলোই মরে সর্মান ন-দেগাজ্। মুই তঅ উগুরে শোজ্য-উৎসর্বর্ ভারান্ ন-দুয়োং; লোবান দিবাত্তে তরে বল্‌‌‌‍পোজ্যে ন-গরং।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

গণাণা 15:20

পৌইল্যা তুলো শোজ্যর মোয়দে গুড়ি গুরিনে সিয়েন্দোই এক্কান পিদে বানেইনে খামার-ঘরর দান ইজেবে সিয়েন উৎসর্ব গরা পুরিবো।

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।