গম্ উপদেজ্ 3:33 - Chakma Bible

³³ পাজি মান্‌জ্য ঘর উগুরে লগেপ্রভুর অভিশাব থায়, মাত্তর্ গোজেন ভক্তগুনোর্ ঘরানিরে তে বর্ দে।

গম্ উপদেজ্ 3:33 ပူးပေါင်းရင်းမြစ်များ

২ শমূয়েল 6:11

গাতীয় ওবেদ-ইদোমর ঘরত্‌ লগেপ্রভুর সুন্দুক্কো তিন মাস রলঅ। সেক্কে লগেপ্রভু তারে আর তা ঘরর্‌ বেক্কুনোরে বর্ দিলো।

ইয়োব 24:18

“তারা পানি উগুরে ফেনা ধোক্ক্যেন; তারার ভাগ্‌অ ভূইয়ানি অভিশাব্ হেইয়্যে, সেনত্তে তারা কনজনে আংগুর খেদত্ ন-যান।

ইয়োব 31:12

সে পাপ্পান্ এমন্ আগুনো ধোক্ক্যেন যিয়েনে মরণর জাগায়ান সং জুলিবো, সিয়েনে মর্ বেক্কানি পুড়ি ফেলেই দি পারে।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 37:22

লগেপ্রভু যিগুনোরে বর্ দে তারা দেজর্ ভাগ্ পেবাক্, মাত্তর্ যিগুনোরে তে অভিশাব দে তারারে ভস্ত গরা অবঅ।

গীতসংহিতা 91:10

সেনত্তে তর্ কনঅ সর্বনাশ ন-অবঅ, তঅ ঘর উগুরে কনঅ আঘাত্ ন-পুরিবো;

গম্ উপদেজ্ 10:6

গোজেন ভক্তগুনো ইদু বোউত্ আশিদ্‌বাদ এজে, মাত্তর্ পাজি অত্যেচারীগুনোর মনানি তারার মুয়ো কধালোই ঢাগি দিয়্যে যায়।

গম্ উপদেজ্ 14:11

পাজিগুনোর ঘরানি ভস্ত ওই যেবঅ, মাত্তর্ গম্ মানুচ্চুনোর তাম্বুলানি দাঙরত্তুন্ আরঅ দাঙর্ অবঅ।

গম্ উপদেজ্ 15:6

গোজেন ভক্তগুনোর্ ঘরানি অলঅ ধনভান্ডালে ভরা মাত্তর্ পাজিগুনোর আয় দজা ডাগি আনে।

গম্ উপদেজ্ 21:12

ন্যায়বলা গোজেনে পাজি পরিবার মানুচ্চুনোরে চোগে চোগে রাগায় আরে তে পাজিগুনোরে ভস্ত গরে।

দ্বি’লম্বর বিররণ 11:28

মাত্তর্‌ যুনি তুমি তমার গোজেন লগেপ্রভুর উগুমানি অমান্য গরঅ আর যে পদেন্দি চলিবার উগুম্‌ মুই এচ্চ্যে দুয়োং সিয়েনত্তুন্‌ সুরি যেইনে তমা ইদু নূয়ো এমন্‌ দেব-দেবেদার্‌ পিজেদি যঅ, সালে তমা উগুরে অভিশাব পুরিবো।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

যিহোশূয় 6:18

মাত্তর্ যেদক্কানি জিনিস ভস্তর্ অভিশাবর্ তলে সিয়েনিত্তুন তুমি দূরোত্‌ থেবা যেনে সিয়েনিত্তুন কনঅ‌ কিজু নিজোত্তে নেযেইনে তুমি নিজো উগুরে দযা ডাগি ন-আনঅ‌। সিয়েন গুরিলে তুমি ইস্রায়েলীয়গুনোর তাম্বুলানি উগুরে দযা ডাগি আনিবা আরঅ তারারে দযাত্ ফেলেবা।

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।