গম্ উপদেজ্ 3:32 - Chakma Bible

³² কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।

গম্ উপদেজ্ 3:32 ပူးပေါင်းရင်းမြစ်များ

ইয়োব 29:4

মর্ সেই ফলেদে দিনুনোত্ গোজেনে তার ঘনিষ্ঠ সমাজ্যে মনভাব্‌‌পোই মঅ তাম্বুলানরে বর্ দিয়্যে।

গীতসংহিতা 18:26

গম্ মানুচ্চুনো সমারে গম্ বেবহার গর্, আর কুজুরোমিগুনোরে দেগা তর্ বুদ্ধির্ খেলা।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গম্ উপদেজ্ 11:20

যিগুনোর মনানি কুজুরো লগেপ্রভু তারারে ঘিনেই, মাত্তর্ যিগুনে দোল্ জিংকানি কাদান তারা উগুরে তে হুজি অয়।

গম্ উপদেজ্ 14:10

যিবের মনান্ তিদে তে সিয়েন নিজে বুঝে; একজন মন হুজির ভাগি অন্যজনে ওই ন-পারে।

গম্ উপদেজ্ 17:15

যিগুনে দুষি মান্‌জ্যরে নিদ্দুষি বিলিনে ধরন আর যিগুনে নিদ্দুষিরে দুষি বানান্, তারারে দ্বিয়জনরে লগেপ্রভু ঘিনেই।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 41:24

মাত্তর্ আজলে তুমি কিচ্চু নয়, আর তমা কামানিয়ো কিচ্চু নয়; যে তমারে বেঈ লোইয়্যে তে ঈচ্ গরা হেইয়্যে।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।