গম্ উপদেজ্ 3:3 - Chakma Bible

³ বিশ্বেজ্‌চান আর গম কামানিয়ে যেন কনদিন্অ তরে ছাড়িনে ন-যায়; তঅ গত্তনাত্ সিয়েনি বানি রাগা, তঅ মন খাতাদ্ সিয়েনি লিগি রাগা।

গম্ উপদেজ্ 3:3 ပူးပေါင်းရင်းမြစ်များ

২ শমূয়েল 15:20

তুই দঅ বানা সেদিন্যে এচ্ছোস্‌। আর এচ্ছ্যে কি তরে আমা লগে ঘুরি বেড়েবাত্তে মর্‌ নেযানা উজিত? মুই নিজে হবর্‌ ন-পাং মুই কুদু যাঙর্‌। তুই ফিরি যাহ্ আর তঅ দেজর্‌ মানুচ্চুনোরেয়ো লগে নেযা। ন-ফুরেইয়্যে কোচ্‌পানা আর বিশ্বেজ্ তমার্‌ সমাজ্যে ওক্‌।”

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

গম্ উপদেজ্ 1:9

সিয়েনি অবঅ তঅ মাঢাবোত্ বেড়েবার দোল্ মালাছড়া আর গত্তনার নেগেলেচ্ ধোক্ক্যেন।

গম্ উপদেজ্ 14:22

যিগুনে বজং কাম গুরিবাত্তে ফন্দি গরন্ তারা কি ভান্ন্যেই পধেদি ন-যান? মাত্তর্ যিগুনে বজং কাম গুরিবাত্তে সল্লা গরন তারার বিশ্বেজ্ আর সততাগান্ আঘে।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 20:28

বিশ্বেজ্ আর সততাগানে রাজারে গমেডালে রাগায়; বিশ্বেজ্‌ছোই তা সিংহাসনান থির্ থায়।

গম্ উপদেজ্ 6:21

জনমত্তে তঅ মনত্ সিয়েনি গাঢেই রাগা, তঅ গত্তনাত্ সিয়েনি বানি রাগা।

গম্ উপদেজ্ 7:3

তঅ আঙুলুনোত্ সিয়েনি বানি রাগা, তঅ মনঅ খাতাদ্ সিয়েনি লিগি রাগা।

যিরমিয় 17:1

লগেপ্রভু কোইয়্যেদে, যিহূদার পাপ্‌পান লুয়োর্ কলম্বোই লেগা ওইয়্যে, হীরা কাবনিলোই তারার চিদোত্, তারার পুজোবো শিঙো উগুরে কাবিনে লেগা ওইয়্যে।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

মালাখি 2:6

তারা মুজুঙোত্ সত্যর্ শিক্ষ্যে এলঅ আর সিয়েনত্ কনঅ মিজে ন-থেদঅ। সুগে শান্দিয়্যে আর গমেডালে তারা মঅ সমারে আদাউদো গুরিদাক্ আর ভালোক্ জনরে পাপত্তুন্ ফিরেদাক্।

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

দ্বি’লম্বর বিররণ 6:8

তুমি সিয়েনি মনত্‌ রাগেবার্‌ চিহ্নো ইজেবে তমা আদত্‌ বাঁনি রাগেবা আর কবালত্‌ লিবি রাগেবা।

ইব্রীয় 10:16

প্রভু কইদ্যে, “যেরেদি মুই তারাত্যে যে বেবস্থাগান থিদেবর্ গুরিম সিয়েন অলঅ, মর্ রীদি-সুদোমানি মুই তারা রিবেঙত্ রাগেম আর তারা মন ভিদিরে সিয়েনি লিগি রাগেম।”