গম্ উপদেজ্ 3:27 - Chakma Bible

²⁷ যিগুনে উপকার পেবার যগাজ্যে তারারে উপকার গুরিবার খেমতা যেক্কে তঅ আঢত্ থেবঅ সেক্কে সিয়েন গত্তে তুই অস্বিগের ন-গুরিচ্।

গম্ উপদেজ্ 3:27 ပူးပေါင်းရင်းမြစ်များ

পত্থম 31:29

তমার ক্ষোতি গুরিবার্‌ খেমতা যে মঅ আঢত্‌ নেই, সিয়েন্‌ নয়। মাত্তর্‌ তমা আগ বংশগুনোর গোজেনে কেল্যে রেদোত্‌ মরে কোইয়্যেদে, “উজিয়ার্‌! যাকোবরে গম্‌-ভান্ন্যেই কিচ্ছু ন-কবে।”

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

রোমীয় 13:7

যার্ যিয়েন পাওনা তারে সিয়েন দে। যে খাজানা তুলে তারে খাজানা দে; যে সরকারি কর্ তুলে তারে সরকারি কর্ দে; যারে শ্রদ্ধা গরানা উচিত্ তারে শ্রদ্ধা গরঅ; যারে সর্মান গরানা উচিত্ তারে সর্মান গরঅ।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

দ্বি’লম্বর বিররণ 15:13

ছাড়ি দিবার সলাবোত্‌ তারে সুদো আদে বিদেয় ন গুরিবা।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।