গম্ উপদেজ্ 3:18 - Chakma Bible

¹⁸ যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

গম্ উপদেজ্ 3:18 ပူးပေါင်းရင်းမြစ်များ

পত্থম 2:9

সে জাগার মাদিগানত্‌ তে নানান্ বাবোত্যে গাজ্ জর্মেই দিলো যিগুন্‌ চাদেয়ো দোল্‌ আর যিগুনোর গুলো-গুলিগুন্‌ হাদেয়ো গম্‌। সিগুনবাদে বাগান ভিদিরে তে জিংকানি-গাজ্ আর গম্‌-ভান্ন্যেই-জ্ঞানর গাজ নাঙে দ্বিবে গাজঅ জর্মেই দিলো।

পত্থম 3:22

সে পরেদি লগেপ্রভু গোজেনে কলঅ, “ চঅ, গম্‌-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্‌। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্‌ সেনত্যে আমার কিজু গরানা দরকার।”

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

গম্ উপদেজ্ 15:4

যে কধাগানে মান্‌জ্য জিংকানিত্ ভালেদি আনে সিয়েন জিংকানি-গাজ ধোক্ক্যেন্, মাত্তর্ ছলনা কধাগানিয়ে মান্‌জ্যর মনানি ভাঙি দে।

গম্ উপদেজ্ 4:13

উপদেজ্‌ছানি মনত্ রাগেচ্, ভুলি ন-যেচ্; সিয়েন রোক্ষ্যে গর্, কিত্তে সিয়েনই তর্ জিংকানি।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

গম্ উপদেজ্ 8:34

যে মানুচ্চো মঅ কধানি শুনে আর পত্তিদিন মঅ দোরো ইদু জাগি থায় আর মঅ দোরো ফ্রেমান ইদু বাজ্জেই থেইনে তে সুগি;

উপদেশক 7:12

টেঙা-পোইজ্যে ধোক্ক্যেন্ জ্ঞানানে রোক্ষ্যে গরে, মাত্তর্ জ্ঞানর্ সুবিধেগান্ অলঅ ইয়েন্, জ্ঞানী মান্‌জ্যর্ জ্ঞানানে তা জিংকানিগান্ রোক্ষ্যে গরে।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।