গম্ উপদেজ্ 29:8 - Chakma Bible

⁸ ঠাট্টা-মশ্‌‌কারি গুরিয়্যেগুনে শঅর ভিদিরে যাগুলুক্ বাজেই দুয়োন্, মাত্তর্ জ্ঞানী মানুচ্চুনে মান্‌‌জ্যর রাগ্‌‌কানি থামেই দুয়োন্।

গম্ উপদেজ্ 29:8 ပူးပေါင်းရင်းမြစ်များ

গম্ উপদেজ্ 11:11

গম মানুচ্চুনে গোজেনর্ বর্ পেলে শঅরত্ ভালেদি অয়, মাত্তর্ পাজিগুনো মুয়ো কধানিলোই শঅরত্ দজা অয়।

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

গম্ উপদেজ্ 29:9

বুদ্ধিমান মান্‌‌জ্যে যুনি বাজে মান্‌‌জ্যর বিরুদ্ধে মগদ্দমা গরে সালে সে মানুচ্চো অয়ত রাগ্ উদিবো নয়ত আজিবো, আরে সেক্কে কনঅ মীমাংসা ন-অবঅ।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

গণাণা 16:48

তে জেদা আর মরাগুনোর্ সংমধ্যে যেইনে থিয়্যেল আর ভানাপিড়েগান্ থামেল।

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।