গম্ উপদেজ্ 29:7 - Chakma Bible

⁷ নাঢা মানুচ্চুনো উগুরে যেন ন্যায় বিচের গরা অয় সিন্দি গোজেন ভক্ত মানুচ্চুনোর চোগ্ আঘে, মাত্তর্ পাজিগুনে ইয়েনি কিচ্চু ন-বুঝোন্।

গম্ উপদেজ্ 29:7 ပူးပေါင်းရင်းမြစ်များ

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

ইয়োব 31:13

মর্ চাগর-চাগরানীগুনে মঅ বিরুদ্ধে কনঅ আবিত্তি জানেলে যুনি মুই সিয়েনর বিচের্ গুরিবাত্তে রাজী ন-ওই থাং,

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

গীতসংহিতা 31:7

তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গীতসংহিতা 72:12

যিদুক্কুন নাঢা মানুচ্, অত্যেচার ওইয়্যে আর অসহায় মানুচ্ সাহায্যত্তে কানদন্ তারারে তে উদ্ধোর গুরিবো।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।