গম্ উপদেজ্ 29:3 - Chakma Bible

³ যে মানুচ্চো জ্ঞান কোচ্‌‌পায় তে তা বাবরে হুজি গরায়, মাত্তর্ যে বেশ্যেগুনো লগে থায় তে তার ধন বরবাত্ লাগায়।

গম্ উপদেজ্ 29:3 ပူးပေါင်းရင်းမြစ်များ

গম্ উপদেজ্ 10:1

শলোমনর্ গম্ উপদেজ্। জ্ঞানীবলা পুয়ো বাবরে হুজি গরে, মাত্তর্ ভুল-বেদমা পুয়ো মাগুনো জিংকানিত্ দুগ্ আনন্।

গম্ উপদেজ্ 15:20

জ্ঞানী পুয়ো বাবর্ জিংকানিত্ হুজি আনে, মাত্তর্ জ্ঞাননেইয়্যে মান্‌জ্যে মাবোরে ঈচ্ গরে।

গম্ উপদেজ্ 21:17

যে মানুচ্চো আমোদ-প্রমোদ গম্ পায় তে নাঢা অবঅ; যে মানুচ্চো আংগুর-রস আর তুম্বাজ্ তেল্ গমপায় তে কনদিন্অ তাগোয়্যে ওই ন-পারিবো।

গম্ উপদেজ্ 21:20

বুদ্ধিমান ঘরত্ মূল্যবান ধন আর তুম্বাজ্ তেল্ জমা থায়, মাত্তর্ সিয়েন যুনি বিবেচনা নেইয়্যে মান্‌জ্য ঘরত্ থায় সালে তে বেক্কানি শেজ্ গুরি ফেলায়।

গম্ উপদেজ্ 23:15

মঅ পুয়োবো, তঅ মনান্ যুনি জ্ঞানে ভর্‌পুনং অয় সালে মঅ মনান্ সুগি অবঅ, অয়, মুই সুগি ওম্।

গম্ উপদেজ্ 27:11

মঅ পুয়োবো, তুই জ্ঞানবলা অ আর মঅ মনানরে হুজি গর্; সেক্কে যিগুনে মরে ঈচ্ গরন্ তারারে মুই জোব্ দি পারিম্।

গম্ উপদেজ্ 28:19

যে মানুচ্চো নিজো ভুইয়োত্ কাম্ গরে তার বোউত্ হেবার-দেবার থায়, মাত্তর্ যে ভান্ন্যেয়র্ পধেদি যায় তার অমকদ অভাব অয়।

গম্ উপদেজ্ 28:7

যে পুয়োবো সুদোমানি মানে তে বুদ্ধিবলা, মাত্তর্ যে পুয়োবো পেদুক্কুনোর সমাজ্যে তে তা বাব্‌‌পোর অসর্মান আনে।

গম্ উপদেজ্ 6:26

কিত্তে বেশ্যেবো যেরেদি তরে হানা দুঘোত্ ফেলেব, আর বেশ্যেবো তঅ দোল্ জিংকানিগান শিগের্ গুরিবো।

লূকে লেখ্যে গম্ হবর্ 15:13

কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।