গম্ উপদেজ্ 29:2 - Chakma Bible

² গোজেন ভক্ত মানুচ্চুন্ বাড়িলে মান্‌‌জ্যে হুজি অন্, মাত্তর্ পাজি মানুচ্ শাজন্‌গুরিয়্যে অলে মান্‌‌জ্যে ছদ্‌‌ফদান।

গম্ উপদেজ্ 29:2 ပူးပေါင်းရင်းမြစ်များ

ইষ্টের 3:15

রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

ইয়োব 34:30

যেনে গোজেন উগুরে ভোক্তি নেইয়্যেগুনে রাজাগিরি গুরি ন-পারন আর মানুচ্চুনোরে ধুরিবাত্তে কাবুক্ ফাদি ন-পারন।

গম্ উপদেজ্ 11:10

গোজেন ভক্তগুনোর্ ভালেদি অলে শঅরত্ রঙ্গফুত্তি অয়, আর পাজিগুনে ভস্ত অলে মান্‌জ্যে হুজিয়ে রঅ ছাড়ন্।

গম্ উপদেজ্ 28:12

গোজেন ভক্ত মানুচ্চুনোর আঢত্ খেমতা গেলে বেক্কুনোর ভালেদি অয়, মাত্তর্ পাজিগুনোর আঢত্ খেমতা গেলে মানুচ্চুনোরে তোগেইনে পাহ্ ন-যায়।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

গম্ উপদেজ্ 28:28

পাজি মানুচ্চুনো আঢত্ খেমতা গেলে মানুচ্চুনে লুগোন্, মাত্তর্ সেই পাজিগুনে ভস্ত অলে গোজেন ভক্ত মানুচ্চুন্ বাড়িবাক্।

উপদেশক 10:5

বেলান তলেদি মুই এক্কান বেপার দেখ্যং যিয়েন্ ঠিগ্ নয়; শাজন্‌গুরিয়্যেগুনে এবাবোত্যে ভুল্ গুরি থান্-

উপদেশক 10:6

বুদ্ধিনেইয়্যেগুনে কাম্ পান্দে দাঙর্ দাঙর্ পোজিশনত্, আর তাগোয়্যেগুনে কাম্ পান্ চিগোন্ পোজিশনত্।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

মথি লেখ্যে গম্ হবর্ 2:3

এ কধাগান শুনিনে রাজা হেরোদে আর তা সমারে যিরূশালেমর অন্য বেক্কুনোর্ মাঢা যাগুলুগ্ অলঅ।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।