গম্ উপদেজ্ 29:18 - Chakma Bible

¹⁸ যিয়েনত্ ভাববাদীগুনোর ভিদিরেদি গোজেনে তার সত্যগান ফগদাং ন-গরে সে জাগার মানুচ্চুনে হযবরল অন; মাত্তর্ সে মানুচ্চো বর্ পেইয়্যে যে লগেপ্রভুর সুদোমানি মানি চলে।

গম্ উপদেজ্ 29:18 ပူးပေါင်းရင်းမြစ်များ

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

গম্ উপদেজ্ 19:16

যে মানুচ্চো গোজেনর সুদোমানি পালায় তে তার জিংকানিগান রোক্ষ্যে গরে; মাত্তর্ যে তার জিংকানির পথ্‌তান ইন্দি মনান্ ন-দে তে মুরিবো।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

যাত্রা 32:25

মোশি দেগিলোদে মানুচ্চুনে অমকদ বেশ্ ওইয়োন। তে বুঝি পারিলো হারোণে তারারে আঢ বারেদি যেবাত্তে দিয়্যে আর সেনত্যেই শত্রুগুনো ইদু তারা খুজির্‌ মানুচ্‌ ওইয়োন্‌।

গীতসংহিতা 74:9

আমাত্যে কনঅ আমক্ অবার কাম গরা অর্ এবাবোত্যে দঅ আর মুই ন-দেগং; কনঅ ভাববাদিয়ো আর নেই; এবাবোত্যে যে আর কয়দিন্ চলিবো সিয়েন আমাত্তুন কনজনে হবর্ ন-পান্।

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

২ বংশধর 28:19

রাজা আহসত্তে লগেপ্রভু যিহূদারে তলে ফেলেল, কিত্তে আহসে যিহূদাত্‌ ভান্ন্যেইয়ানি বাড়েবাত্তে দিয়্যে আর নিজে লগেপ্রভু উগুরে অমকদ অবিশ্বেজি ওইয়্যে।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

গম্ উপদেজ্ 29:19

বানা কধালোই চাগররে সংশোধন গরা ন-যায়; তে বুঝিলেয়ো সিয়েন ন-মানিবো।

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।