গম্ উপদেজ্ 28:27 - Chakma Bible

²⁷ যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

গম্ উপদেজ্ 28:27 ပူးပေါင်းရင်းမြစ်များ

গম্ উপদেজ্ 11:24

যে কনজনে গম্ মনে দান গরে তে আরঅ বেশ্ পায়; আরঅ যে কনজনে যগাজ্যেগুরি খরচ্ গুরিবাত্তে অস্বিগের্ গরে তে অভাবত্ পড়ে।

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 11:26

যে মানুচ্চো শোস্যগুন্ থুবেই রাগায় মান্‌জ্যে তারে অভিশাব্ দুয়োন, মাত্তর্ যে সিয়েনি বেজি দে তে বর্ পায়।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 22:9

যে দানবলা মানুচ্চো তা হানা ভাগত্তুন্ নাঢা মানচ্চুনোরে দে তে বর্ পেবঅ।

গম্ উপদেজ্ 24:24

যে মান্‌‍জ্যে দুষি মান্‌‍জ্যরে কয়, “তুই নিদ্দুযি,” নানান্ দেজর মানুচ্চুনে সিয়েনিরে নিন্দে গরন, আর নানান্ জাদে তারে অভিশাব দে।

গম্ উপদেজ্ 28:28

পাজি মানুচ্চুনো আঢত্ খেমতা গেলে মানুচ্চুনে লুগোন্, মাত্তর্ সেই পাজিগুনে ভস্ত অলে গোজেন ভক্ত মানুচ্চুন্ বাড়িবাক্।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

দ্বি’লম্বর বিররণ 15:7

তমা গোজেন লগেপ্রভু যে দেজ্‌ছান তমারে দিবাত্তে যার্‌ সে দেজর্‌ কনঅ জাগাত যুনি তমার ভেইয়ুনো ভিদিরে কনজনে নাঢা থান্‌, সালে সিবে উগুরে তমার মনানি চিৎনপুজ্যে ন গোজ্য, বা সে নাঢা ভেইবোত্তে তমার আদ্‌থানি মুঠ্‌ গুরি ন রাগেয়ো।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।