গম্ উপদেজ্ 28:25 - Chakma Bible

²⁵ যে মানুচ্চো লুভি তে কোল্-কোজ্যে বাজেই দে, মাত্তর্ যে লগেপ্রভু উগুরে বিশ্বেজ্ গরে তার ভালেদি অয়।

গম্ উপদেজ্ 28:25 ပူးပေါင်းရင်းမြစ်များ

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 10:3

লগেপ্রভু তা ভক্তগুনোরে পেটপরা হেবাত্তে ন-দে, মাত্তর্ তে পাজিগুনোর আওজ্‌চানি পুরেবাত্তে ন-দে।

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 13:10

বাড়্‌বো গরানাগানে বানা কোল্-কোজ্যে বাজেই দে, মাত্তর্ যিগুনে উবদেজ্ শুনোন্ তারা ইদু জ্ঞান পাহ্ যায়।

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

গম্ উপদেজ্ 15:30

আজি-হুজিয়ে ভরা চোগ্‌কুনে অন্যগুনোরে ফুত্তি দে, আর দোল্ হবরানিয়ে কিয়্যেগানরে গম্ রাগায়।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

গম্ উপদেজ্ 22:10

নিন্দে গুরিয়্যেবোরে ধাবেই দুয়ো, হাঙেলেত্যেয়ো দূর্ অবঅ; কোল্-কোজ্যে আর অগমান থুম্ ওই যেবঅ।

গম্ উপদেজ্ 29:22

রাগী মান্‌‌জ্যে কোল্-কোজ্যে বাজেই দুয়োন্, আর বদ্‌‌মেজাজী মান্‌‌জ্যে বোউত্ পাপ গরন্।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

১ তীমথিয় 6:6

মাত্তর্ আসলে হুজী মনে খ্রীষ্টীয় ধর্ম-বিশ্বেজ্ মজিম চলিলে বিরেট্ লাভ অয়।