গম্ উপদেজ্ 28:22 - Chakma Bible

²² যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

গম্ উপদেজ্ 28:22 ပူးပေါင်းရင်းမြစ်များ

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

গম্ উপদেজ্ 21:5

কামগুরিয়্যেবোর পরিকল্পনার ফলে ঘেচ্চেকগুরি বোউত্ ধন অয়, মাত্তর্ যে মানুচ্চো পরিকল্পনা ন-গরে যাদিমাদি গুরি কাম গুরিবাত্তে যায় তার কামাক্কায় অভাব অয়।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 23:6

লুভি মান্‌জ্যর হানা ন-হেয়ো; তার মংগা মংগা হানাগানি হেবাত্তে ন-চেয়ো;

গম্ উপদেজ্ 28:20

বিশ্বেজি মান্‌‌জ্যে বোউত্ বর্ পান, মাত্তর্ যে ধনী অবাত্তে আওজ্ গরে তে সাজা পেবদে পেবঅ।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।