গম্ উপদেজ্ 28:13 - Chakma Bible

¹³ যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

গম্ উপদেজ্ 28:13 ပူးပေါင်းရင်းမြစ်များ

পত্থম 4:9

সেক্কে লগেপ্রভু কয়িনরে কলঅ, “তঅ ভেই হেবলে কুদু?” কয়িনে কলঅ, “মুই হবর্ ন-পাং। মঅ ভেইবোর্ দেগাশুনোর ভারান্ মঅ উগুরে নাহি?”

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 14:32

জোবত্‌ অবশালোমে যোয়াবরে কলঅ, “ইদু এবাত্তে মুই তইদু মানুচ্‌ পাধেই দুয়োং যেনে তুই যেইনে রাজারে এ কধাগান পুযোর্‌ গুরি পারচ্‌, ‘কিত্তে মুই গশূরত্তুন্‌ এলুং? সিদু থানা দঅ মর্ উজিত্ এলঅ।’ ইক্কিনে যেনে মুই রাজার মুয়োন্‌ দেগং তুই সে বেবস্থাগান গুরিচ্‌। যুনি মর্‌ কনঅ দুষ ওই থায় সালে তে যেনে মরে মারে ফেলায়।”

২ রাজাবলী 20:15

ভাববাদীবো পুযোর্‌ গুরিলো, “তারা তর্‌ রাজঘর ভিদিরে কি কি দেখ্যন্‌?” হিষ্কিয় কলঅ, “মঅ রাজঘরর্‌ বেক্কানি তারা দেখ্যন্‌। মঅ ধনভান্ডালত্‌ এন্‌ কিজু বাদ ন-যাই যিয়েনি মুই তারারে ন-দেগাং।”

২ বংশধর 6:26

তর্‌ বিরুদ্ধে তঅ মানুচ্চুনোর্‌ পাপ গরানার কারনে যেক্কে আগাজছান্‌ নাঢা যেইনে ঝড় ন-পুড়িবো সেক্কে তারা যুনি এ জাগান ইন্দি ফিরিনে তর্‌ বাঈনী গরন্‌ আর তইদু তবনা গরন্‌ আর তত্তুন্‌ দুখ্‌ পেইনে পাপত্তুন্‌ ফিরোন্‌,

ইষ্রা 10:11

ইক্কিন তুমি তমার্ পূরোণি মানুচ্চুনোর গোজেন লগেপ্রভু ইধু পাপ স্বীগের গুরিনে তার্ আওজ্ মজিম কাম গরঅ। তমা দেজত্ বজত্তিগুরিয়্যে মানুচ্চুনোর আর অন্য জাদর্ মিলেগুনোত্তুন্ নিজোরে যুদো গরঅ।”

ইষ্রা 10:2

সেক্কে এলমর এক্কো বংশধর যিহীয়েলর পুয়ো শখনিয় ইষ্রারে কলঅ, “আমা দেজত্ বজত্তিগুরিয়্যে অন্য জাদর্ মিলেগুনোরে লোইনে আমি আমা গোজেন ইধু অবিশ্বেজি ওইয়্যেই; মাত্তর্ সিয়েন অলেয়ো ইস্রায়েলীয়গুনোর্ ইক্কিনিয়ো আশা আঘে।

নহিমিয় 9:2

ইস্রায়েল জাদর্‌ মানুচ্চুনে অন্য জাদর্‌ বেক্‌ মানুচ্চুনোর্‌ ইত্তুন্‌ নিজোরে ফারগ্‌ গুরি নিলাক্‌। তারা থিয়্যেইনে নিজোর্‌ পাপ আর তারার্‌ পূরোণিমানুচ্চুনোর্‌ ভান্ন্যেইয়ানি স্বীগের্‌ গুরিলাক্‌।

ইয়োব 31:33

অন্য মান্‌জ্য ধোক্ক্যেন মুই পাপপানি গুমোর্ গুরি ন-রাগাং আর মঅ মনত্ দুষ্‌ছানি লুগেই ন-রাগাং;

ইয়োব 33:27

তে সেক্কেনে মান্‌জ্য ইদু এইনে কবঅ, মুই পাপ গোজ্যং আর যিয়েন ঠিগ্ সিয়েনর্ উগুদো গোজ্যং, মাত্তর্ মর্ পাইদে সাজাগান্ মুই ন-পাং।

ইয়োব 34:31

কনঅ মান্‌জ্যে দঅ গোজেনরে ন-কন্, মুই সাজা পেইয়োং, আর অন্যেয় ন-গুরিম;

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 17:9

যে মানুচ্চো অন্যেয়ানি ঢাগি দে তে কোচ্‌পানাগান বাড়েই দে, মাত্তর্ যে মানুচ্চো কোই কোই বেড়াই তে দাংগুত্ব ভাঙি ফেলায়।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

লেবীয় 5:5

এদক্কানি অন্যেয়র্‌ কনঅ এক্কান্‌ যুনি কনজনে গুরিনে দুষি অন্‌ ছালে যে অন্যেয়্‌ তে গোজ্যে সিয়েন্‌ তাত্তুন্‌ কাম্‌-খা পুরিবো।

যোনা 3:10

তারা যিয়েন গোজ্যন্ আর কেধোক্ক্যেন গুরি তারার্ ভান্ন্যেই পদত্তুন্ ফিজ্যন্ সিয়েন যেক্কে গোজেনে দেগিলো সেক্কে তে তার্ মনান্ ফিরেল। তে যে অমংগল গুরিবো কোইয়্যে সিয়েন ন-গুরিলো।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

বিচের গুরিয়্যেগুন 10:15

মাত্তর্‌ ইস্রায়েলীয়গুনে লগেপ্রভুরে কলাক্‌, “আমি পাপ গোজ্যেই। তর্‌ যিয়েনি গম্‌ মনে গরচ্‌ আমা উগুরে সিয়েনোই গর্‌, মাত্তর্‌ দোয়্যে গুরিনে এবেরা তুই আমারে রোক্ষ্যে গর্‌।”

১ শমূয়েল 15:13

শমূয়েলে সেক্কে শৌল ইদু গেলঅ। শৌল তারে কলঅ, “লগেপ্রভু তরে ভালেদি গোরোক্। লগেপ্রভুর উগুমান মুই পালন গোজ্যং।”

১ শমূয়েল 15:24

শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।

১ শমূয়েল 15:30

শৌলে কলঅ, “মুই পাপ গোজ্যং; তো মর্‌ কোজোলীগান্ ইয়েন, মঅ জাদর্‌ বুড়ো নেতাগুনো ইদু আর ইস্রায়েলীয়গুনোর মুজুঙোত্‌ মর্‌ সর্মানান্‌ রাগঅ। মুই যেনে তর্‌ গোজেন লগেপ্রভুর উবোসনা গুরি পারং সেনত্তেই তুই মঅ সমারে আদিচ্‌।”