গম্ উপদেজ্ 28:1 - Chakma Bible

¹ কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

গম্ উপদেজ্ 28:1 ပူးပေါင်းရင်းမြစ်များ

১ রাজাবলী 1:49

এ কধাগান শুনিনে আদোনিয়র বাত্যেয়্যে বেক্‌ মানুচ্চুনে অমকদ দোরেলাক্‌ আর উদিনে যে যার্‌ পধেন্দি আঢি গেলাক।

২ রাজাবলী 7:15

তারা যর্দন গাঙ সং তারারে তোগেলাক আর দেগিলাক্‌ অরামীয়গুনে যাদিমাদিগুরিনে ধেই যেবার্‌ সময়োত্‌ বেক্‌ পথ্‌তানিত্‌ তারার্‌ কাবড়-চুগোড়ানি আর বেক্‌ পযাপিরানি ফেলেই যেইয়োন্‌। যিগুনোরে পাদা ওইয়্যে তারা ফিরি যেইনে রাজারে বেক্‌ হবরানি জানেলাক্‌।

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

ইয়োব 15:21

তা কানত্‌ দর্‌গরেপারা রঅ সুমিবো; যেক্কেনে বেক্কানি গম্‌ চলের্‌ বিলিনে মনে অবঅ সেক্কে লুদেয়্যেগুনে তারে আক্রমণ গুরিবাক্।

গীতসংহিতা 112:7

আপদবলা-ফিবলা হবরদ্‌অ তে ন-দোরেব; তা মনান্ থির্ আর তে লগেপ্রভু উগুরে বিশ্বেজ্ গরে।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 53:6

ইস্রায়েলীয়গুনোর উদ্ধোর সিয়োনর ভিদিরেত্তুন্ এজোক্। গোজেনে যেক্কে তা মানুচ্চুনোর অবস্থা ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 27:27

ইয়েনি বাদেয়ো তর আর তঅ গিরিত্তে তুই যগাজ্যে দুধ পেবে; তর্ গাবুজ্যে চাগরানীগুনেয়ো সিয়েনি হেইনে পক্তামক্তা অবাক্।

যিশাইয় 30:17

একজন দরে তমাত্তুন্ আজার্ জন ধেই যেবাক্ আর পাচজন দরে তুমি বেক্কুনে ধেই যেবা; সেক্কে তমা সৈন্যদলত্ মুড়োবো উগুরে বাবতা খুদোবো বাদে আর কিচ্ছু ন-থেবঅ।

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

লেবীয় 26:36

তমা ভিদিরেত্তুন্‌ যিগুনে শত্রুগুনোর্‌ দেজত্‌ বাঁচি থেবাক্ তারার্‌ মনত্‌ মুই এমন্‌ দর্‌ ভোরেই দিম্‌, বোইয়্যেরত্‌ পাদা লড়িবার্‌ রঅবোলোইয়ো তারা ধেই যেবাক্। যুদ্ধোর্‌ দরে যেধোক্ক্যেন গুরি মান্‌জে ধেই যান্‌ সেধোক্ক্যেন গুরি তারা ধেই যেবাক্। পিজেন্দি কনজনে লোড়েইনে ন-গেলেয়ো তারা দাবা যাদে উজোত্‌ হেইনে পড়ি যেবাক্।

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

দ্বি’লম্বর বিররণ 28:7

যিগুনে শত্রু ওইনে তমার বিরুদ্ধে থিয়্যেবাক লগেপ্রভু এমন্‌ গুরিবো যেনে তারা তমা ইদু উদিই যান। তারা এক কিত্তেন্দি তমারে আক্রমন গুরিবাত্তে এইনে সাত কিত্তেন্দি ধেই যেবাক।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।