গম্ উপদেজ্ 27:8 - Chakma Bible

⁸ পেগো বাহ্ ইরি দিয়্যে ঘুরি বেড়েয়্যে পেক্কো যেধোক্ক্যেন্, ঘর্ ইরি দিয়্যে ঘুরি বেড়েয়্যে মানুচ্চোয়ো সেধোক্ক্যেন্।

গম্ উপদেজ্ 27:8 ပူးပေါင်းရင်းမြစ်များ

পত্থম 21:14

সেক্কে অব্রাহামে বেন্যেপোত্যে উদিনে কিজু হানা আর পানি ভোজ্যে এক্কো চাম থৈল্যে হাগার করত্ তুলি দিলো। সে পরেদি পুয়োবোরে তা আদত্‌ দিইনে তারে বিদেয়্‌ গুরি দিলো। সিয়েনত্তুন্‌ নিগিলেনে হাগারে বের্‌-শেবার ধূল্যেচর ভূইয়ো-চাগালাত্‌ ঘুরি ঘুরি থেলঅ।

পত্থম 4:16

ইয়েন পরেদি কয়িনে লগেপ্রভুর্ মুজুঙোত্তুন্ যেইনে এদনর্ পূগেদি নোদ নাঙে এক্কান দেজত্‌ বজত্তি গরা ধুরিলো।

১ রাজাবলী 11:22

ফরৌনে পুযোর্‌ গুরিলো, “ইদু তর্‌ কি অভাব ওইয়্যে, তুই নিজোর দেজত্‌ ফিরি যেবাত্তে চর্‌?” জোবত্‌ হদদে কলঅ, “কনকিজুর্‌ অভাব ন-অয়, তো মরে যেবাত্তে দে।”

১ রাজাবলী 19:9

সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

গম্ উপদেজ্ 21:16

যে মানুচ্চো বুদ্ধিবলা পথ্‌তান ছাড়িনে অন্য কিত্তেদি যায় তে মরাগুনো লগে থেবঅ।

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

গম্ উপদেজ্ 27:7

যিবে পেট্‌‌তো ভরা মধুয়ো গম্ ন-পায়, মাত্তর্ যিবের পেট্ পুরে তাইদু তিদেগান্‌অ মিদে লাঘে।

যিশাইয় 16:2

পেগো বাহ্‌‌‌ত্তুন ঠিলিনে নিগিলেই দিলে পেগে যেবাবোত্যেগুরি ইন্দি উন্দি ঘুরি বেড়ায় সেবাবোত্যেগুরি মোয়াব মানুচ্চুনে অর্ণোন গাঙান্ আঢিনে পার্ অইদ্যে জাগানত্ ঘুরি বেড়েবাক্।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

১ করিন্হীয় 7:20

গোজেনে যারে যে অবস্থায় ডাক্ক্যে তে সেই অবস্থায় থোক্।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

১ শমূয়েল 22:5

পরেন্দি গাদ নাঙে এক্কো ভাববাদী দায়ূদোরে কলঅ, “তুই দুর্গ মুড়োবোত আর ন-থেচ্‌, যিহূদা চাগালাত্‌ যাগোই।” সেক্কে দায়ূদে সে জাগায়ান ছাড়িনে হেরেৎ চাগালাত্‌ যে ঝারান্‌ এলঅ সিয়েনত্‌ গেলগোই।