গম্ উপদেজ্ 27:4 - Chakma Bible

⁴ রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

গম্ উপদেজ্ 27:4 ပူးပေါင်းရင်းမြစ်များ

পত্থম 26:14

তার ভেড়া, গোরু আর চাগর-চাগরানী বোউত্ বাড়িলাক্‌, সিয়েন্‌ দেগিনে পলেষ্টীয়গুনে তারে ইংসে গরা ধুরিলাক্।

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

পত্থম 38:9

ওননে হবর্‌ পেদ, সে বংশবো তার্‌ নিজোর্‌ ন-অবঅ। ভেইবোর্‌ ওইনে বংশ রোক্ষ্যে গুরিবার্‌ আওজ্ ন-থানায়্‌ যেদক্‌বার্‌ তে তা ভেইবোর্ মোক্কো ইধু গেলঅ সেদক্‌বার তে বীর্যগান মাদিত্‌ ফেলে দিলো।

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গম্ উপদেজ্ 14:30

শান্ত মন কিয়্যেগানরে গম্ রাগায়, মাত্তর্ ইংসে কিয়্যেগানরে অসুগ্ বানায়।

গম্ উপদেজ্ 27:3

পাত্তরুন্ গুয়োর্ আর কোরোলীগানিয়ো গুয়োর্, মাত্তর্ বাজে মান্‌‌জ্যরে রাগ্ তুলি দিলে তে সেই দ্বিয়েনত্তুন্অ গুয়োর্ অবঅ।

গম্ উপদেজ্ 6:34

কিত্তে মনর্ জ্বালাগানে নেগর্ দর্‌গরেপারে রাগ্‌কানরে জাগেই দে; হেনা সুজিবার অক্তত্ তে কনঅ দোয়্যে ন-দেগেব।

পরমগীত 8:6

সীলমহ্‌র ধোক্ক্যেন্ গুরি তুই মরে তঅ মনত্ আর তঅ আঢত্ রাগা; কিত্তে কোচ্‌পানাগান্ মরণ ধোক্ক্যেন্ খেমতাবলা, পাওনা কোচ্‌‌‌‌পানার্ আওজ্‌‌‌চান মরণ জাগা ধোক্ক্যেন্ উদি ন-যায়।‌‌

মথি লেখ্যে গম্ হবর্ 27:18

পীলাতে গমেডালে হবর্ পেদঅ যে ইহূদী নেতাগুনে ইংসে গুরিনে যীশুরে তা আঢত্ তুলি দুয়োন্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 5:17

সেক্কে দাঙর্ ধর্মগুরু আর তা সমারে সদ্দূকী দল মানুচ্চুনে ইংসেই জ্বলি উদিলাক্।

প্রেরিত্‌ 7:9

সেই গুট্টির বাব্‌পুনে ইংসে গুরিনে যোষেফরে চাগর্ ইজেবে মিসর দেজত্ বেজি দুয়োন। মাত্তর্ গোজেনে যোষেফ লগে থেইনে বেক্‌ দুঘোত্তুন্ আর দজাত্তুন্ তারে রোক্ষ্যে গুরিলো। ইয়েন বাদে গোজেনে যোষেফরে জ্ঞান দান গুরিলো আর মিসরর্ রাজা ফরৌণ সুনজরত্ আনিলো। সেনত্তে ফরৌণে তারে মিসর শাসনগুরিয়্যে আর নিজো ঘরর্ সদ্দার্ বানেল।

রোমীয় 1:29

নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ শমূয়েল 18:9

সে অক্তত্তুন্‌ ধুরিনে শৌলে দায়ূদোরে ইংসের চোগেন্দি দেগা ধুরিলো।