গম্ উপদেজ্ 27:22 - Chakma Bible

²² বাজে-বিবেক্ মান্‌‌‌‌জ্যরে যুনিয়ো শোজ্যলোই হামানদিস্তালোই গুড়ি গরা অয়, তো তার ভুলানে তারে ছাড়ি ন-যেবঅ।

গম্ উপদেজ্ 27:22 ပူးပေါင်းရင်းမြစ်များ

১ রাজাবলী 13:33

ইয়েন পরেন্দিয়ো যারবিয়ামে তার্‌ ভান্ন্যেই পধত্তুন্‌ ন-ফিরিলো বরং পূজোর্‌ অজল্‌ জাগানিত্তেই বেক্‌ মানুচ্চুনো ভিদিরেত্তুন্‌ ধর্মগুরু নেযেল। যে কনজনে ধর্মগুরু অবাত্তে চেলে তারে তে পূজোর্‌ অজল্‌ জাগায়ানিত্‌ ধর্মগুরু ইজেবে নেযেদ।

যাত্রা 12:30

সেই রেদোত্‌ ফরৌণে আর তার্‌ বেক্‌ কাম্‌গুরিয়েগুন্‌ আর মিসরর্‌ পত্তি মানুচ্চুন ঘুমোত্তুন্‌ জাগি উদিলাক্; আর পুরো মিসর্‌ দেজত্‌ এক্কো কানানির কিজেক্‌ পড়ি গেলঅ, কিত্তে এমন্‌ এক্কান্অ ঘর বাদ ন-যায় যিয়েনত্‌ কনজন্‌ মুরি ন-যান্‌।

যাত্রা 14:5

মিসরর্‌ রাজা ফরৌণরে যেক্কে কুয়ো অলঅ‌, ইস্রায়েলীয়গুনে ধেই যেইয়োন্‌ সেক্কে তারা পৌইদ্যেনে ফরৌণ আর তার্‌ কাম্‌গুরিয়েগুনোর মনানি বুদুলি গেলঅ। তারা কলাক্ “ইয়েন্‌ আমি কি গুরিলোং? তারারে বিদেয়্‌ গুরি দিইনে দঅ আমি আমার্‌ বেক্‌ চাগরুন্‌ আরেলং।”

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

গম্ উপদেজ্ 14:24

জ্ঞানীগুনোর্ বক্‌শিজ্ অলঅ তারার ধন, মাত্তর্ জ্ঞাননেইয়্যেগুনোর ভুলানি আরঅ ভুলোর জর্ম দে।

গম্ উপদেজ্ 23:35

তুই কবে, “তারা মরে আঘাত্ গোজ্যন্ মাত্তর্ মুই পিড়ে ন-পাং, মরে তারা মাজ্যন্ মাত্তর্ মুই তার্ ন-পাং। কক্কনে মুই জাগি উদিনে আরঅ মদ্ তোগেবাত্তে যেম্?”

গম্ উপদেজ্ 26:11

কুগুরে যেধোক্ক্যেন্ নিজো ওগোল্যে ইন্দি ফিরে, সেধোক্ক্যেন্ বিবেচনা নেইয়্যে মানুচ্চোয়ো আরঅ ভুল্ গরে।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

১ শমূয়েল 19:21

শৌলরে সেই হবরান জানেলে তে আরঅ মানুচ্‌ পাদেল মাত্তর্‌ তারায়ো যেইনে ভাববাদী ইজেবে গোজেনর কধা কুয়ো ধুরিলাক্। শৌল তিনবার মানুচ্‌ পাদেল আর তারায়ো যেইনে ভাববাদী ইজেবে গোজেনর কধা কুয়ো ধুরিলাক্।