গম্ উপদেজ্ 27:21 - Chakma Bible

²¹ রূবো পোরোক্ক্যে চেবাত্তে গোলেবার পিলে আঘে, আর সনাত্তে চুলো আঘে, মাত্তর্ মান্‌জ্যে যে বাঈনীগান্ পায় সিয়েন্দোই তারে পোরোক্ক্যে গরা অয়।

গম্ উপদেজ্ 27:21 ပူးပေါင်းရင်းမြစ်များ

২ শমূয়েল 14:25

পুরো ইস্রায়েল দেজত্‌ অবশালোম ধোক্ক্যেন্‌ এদক দোল্‌ আর কনজন ন-এলাক্। দোল্‌ চেঙেরাত্তে তে বেক্কুনোত্তুন্‌ বেশ্‌ বাইনী পেদঅ। তা মাঢাবোর্‌ তাল্লোত্তুন্‌ ধুরি টেঙ পাদা সং কনজাগাত্‌ দাগ্‌-দুগ্ ন-এলঅ।

ইয়োব 28:1

রূবোর্ খনি আঘে আর সনা কাজেবার জাগায়ো আঘে।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

লূকে লেখ্যে গম্ হবর্ 6:26

অভিশাব্ পোড়োক্ তমার্, যেক্কে বেক্ মানুচ্চুনে তমারে বাঈনী গরন্। এই বেক্ মানুচ্চুনোর পুরোণি মানুচ্চুনে ফক্কর্ ভাববাদীগুনোরেয়ো বাঈনী গুরিদাক্।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 4:12

পরাণর্ সমাজ্যেগুন, তমার যে ইক্কিনে নানান্-পোরোক্ষ্যের্ মাধ্যমে যা পরের্ সিয়েন্দোই দিস্‌কাউলু অবার নয়, তমা উগুরে অামক্ কিজু এক্কান অর্।

১ শমূয়েল 18:30

ইয়েনর্ পরেন্দি পলেষ্টীয়গুনোর সেনাপতিগুনে যুদ্ধো গুরিবাত্তে নিগিলি এজা ধুরিলাক্। যেদকবার্‌ তারা নিগিলি এলাক্ সেদকবারই শৌলর অন্য কামগুরিয়্যেগুনোত্তুন্‌ দায়ূদে বেশ্ বুদ্ধির পরিচয় দিইনে সফলতা লাভ গুরিলো। সেক্কে তার অমকদ সুনাম অলঅ।