গম্ উপদেজ্ 27:18 - Chakma Bible

¹⁸ যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

গম্ উপদেজ্ 27:18 ပူးပေါင်းရင်းမြစ်များ

২ রাজাবলী 18:31

তুমি হিষ্কিয়ো কধানি ন-শুন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তা নিজোর্‌ আংগুর আর ডুমুর গাজত্তুন্‌ ফল আর নিজো কূয়োত্তুন্‌ পানি হেই পারিবা।

২ রাজাবলী 3:11

যিহোশাফটে কলঅ, “ইয়েনত্‌ কি লগেপ্রভুর কনঅ ভাববাদী নেই যিবের্‌ মাধ্যমে আমি লগেপ্রভুর ইদু পুযোর্‌ গুরি পারিই?” ইস্রায়েলর রাজার এক্কো কাম্‌গুরিয়্যে জোবত্‌ কলঅ “শাফটর পূয়ো ইলীশায় ইদু আঘে। তে এলিয়োর সেবাগুরিয়্যে এলঅ।”

২ রাজাবলী 5:25

ইয়েন পরেন্দি তে ভিদিরে যেইনে তার্‌ গিরোজ্‌ ইলীশায় মুজুঙোত্‌ থিয়্যেল। ইলীশায় পুযোর্‌ গুরিলো, “গেহসি, তুই কুদু যেইয়োচ্‌?” গেহসি কলঅ, “তঅ চাগর্‌বো কনজাগাত্‌ ন-যায়।”

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

ইষ্টের 6:11

সেনত্তেই হামনে রাজপোজাক্‌ আর ঘোড়াগুন্‌ নেযেল আর মর্দখয়রে রাজপোজাক্‌ উরেইনে ঘোড়া উগুরে চোড়েইনে শঅরর্‌-চক্কর্‌বোত্‌ তা আগে আগে এ কধাগান ফগদাঙ্‌ গুরিনে বেড়া ধুরিলো, “রাজা যিবেরে সর্মান দেগেবাত্তে চায় তা উগুরে এ বাবোত্যে গরা অবঅ।”

গীতসংহিতা 123:2

গিরোজ্‌সো ইন্দি যেধোক্ক্যেন চাগরুনোর চোগ্ থায় আর চাগরানিগুনোর্ চোগ্‌কুন থান গিরোজ্‌সো মোক্কো আঢ্‌তান ইন্দি, সেধোক্ক্যেন আমা চোগ্‌কুন থেবদে গোজেন লগেপ্রভু ইন্দি, যেদকদিন সং তে আমারে দোয়্যে ন-গরে।

যাত্রা 24:13

এই কধাগান্‌ শুনিনে মোশি তারে এজাল্‌ দিয়্যে যিহোশূয়রে নেযেইনে যাহ্ ধুরিলো। সে পরেদি তে গোজেনর্ মুড়োবোত্‌ যেইনে উদিলো।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

গম্ উপদেজ্ 27:17

লুয়োরে যেধোক্ক্যেন্ লুয়োই ধারায়, সেধোক্ক্যেন্ এক্কো আর এক্কোর জিংকানিগানরে কামর্ যগাজ্যে গুরি দে।

গম্ উপদেজ্ 27:19

পানিত্ যেধোক্ক্যেন্ মুয়ো চেঙারাগান দেগা যায়, সেধোক্ক্যেন্ অন্য একজনর খাচ্চ্যত্ চেইনে নিজোর খাচ্চ্যত্তান্ বুঝো যায়।

পরমগীত 8:12

মর্ নিজোর আংগুর খেত্ আঘে, যিগুন বানা মুই দি পারং। ও শলোমন, সেই বার কেজি রূবো তরই থোক্, মাত্তর্ আড়ি কেজি থোক্ তারাত্তে যিগুনে ফলুনোর্ দেগাশুনো গত্তন্।

যিশাইয় 36:16

তুমি হিষ্কিয়োর কধা ন-শুন্ন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তার নিজোর্ আংগুর আর ডোমোর্ গাজত্তুন্ ফল আর নিজোর কূয়োত্তুন্ পানি হেই পারিবা।

মথি লেখ্যে গম্ হবর্ 24:25

শুনো, মুই আগেদি তমারে ইয়েনি বেক্কানি কোই রাগেলুং।

মথি লেখ্যে গম্ হবর্ 24:46

সেই চাগর্‌বো বর্‌‍পেইয়্যে, যিবেরে তা গিরোজ্‌সো তোগেইনে পেইয়্যে আর ঘরত্ এইনে কাম্ গত্তে দেগিবো।

মার্ক 10:43

মাত্তর্ তমা ভিদিরে সেধোক্ক্যেন্ অনা উচিত নয়, বরং তমা ভিদিরে যে দাঙর্ অবাত্তে চায় তাত্তুন্ তমার সেবাগুরিয়্যে উয়ো পড়িবো,

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

লূকে লেখ্যে গম্ হবর্ 19:17

তে তারে কলঅ, দোল্ কাম গোজ্যস্। তুই এক্কো গম্ চাগর্। তুই সামান্য পৌইদ্যেনে বিশ্বেজি ওইয়োচ্ বিলিনে মুই তরে দশ্‌‌‌‌চান শঅরর্ ভার্ দিলুং।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

প্রেরিত্‌ 10:7

যে স্বর্গদূত্‌তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ।

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

১ করিন্হীয় 9:13

তুমি কি কোই ন-পারঅ, যিগুনে উবোসনা-ঘরর্ কাম গরন্ সিগুনে উবোসনা-ঘরত্তুন্ হানা পান্, আর যিগুনে পূজোর্ কাম গরন্ সিগুনে পূজোবোত্ যিয়েনি উৎসর্ব গরা অয় সিয়েনির ভাগ্ পান?

১ করিন্হীয় 9:7

নিজোর্ পৌইজ্যে খরচ্ গুরিনে কন্না সৈনিগোর্ কাম গরে? আংগুর ক্ষেত যে গরে তে কি তার্ ফলুন্ ন-খায়? য়েমান পালুন্ যে চরায় তে কি সিগুনোর্ দুধ ন-খায়?

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।

২ তীমথিয় 2:6

যে চাষাবলাবো কাম্ গরে তাত্তুনই পত্তমে খেদর্ ভাগ্ পানা উচিত।

১ পিতর 2:18

ঘরর্ চাগর-বাগরুন্, তুমি তমার গিরোজ্‌‌চুনোরে সর্মান গুরিনে তারার্ অধীনোত্ থাগঅ। যে গিরোজ্‌‌চুনে গম আর দোয়্যেলু বানা যে তারার্ অধীনতাগান স্বীগের গুরিবা সিয়েন নয়, মাত্তর্ যিগুনে ভান্ন্যেই কধা বেবহার গরন তারার্‌‌অ অধীনতা স্বীগের গরঅ।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।