গম্ উপদেজ্ 27:10 - Chakma Bible

¹⁰ নিজোর বা বাবঅ সমাজ্যেবোরে ছাড়ি ন-দুয়ো; দজাত্ পড়িলে ভেইয়ো ঘরত্ ন-যেয়ো; দূরোত্ থেইয়্যে ভেইয়োত্তুন্ কায়-কুরে পাড়াল্যেগুন্ গম্।

গম্ উপদেজ্ 27:10 ပူးပေါင်းရင်းမြစ်များ

২ শমূয়েল 19:24

এ পরেন্দি শৌল নাদিন্ মফীবোশতে রাজার লগে দেগা গুরিবাত্তে এলঅ। রাজা যেবার পরেত্তুন্‌ ধুরি তার গমেডালে ফিরি এজানার দিন্নো সং তে নিজো টেঙানি যত্তন্‌ ন-গরে, দাড়িগানি নঅ-কাবে আর কাবড়-চুগোরানিয়ো নঅ-ধয়।

২ শমূয়েল 19:28

মঅ আজুর্‌ গুট্টিগুনে মঅ গিরোজ মহারাজ মুজুঙোত্ মরাণা উজিত্, মাত্তর্‌ তো তর্‌ যে মানুচ্চুনে তঅ টেবিলোত্‌ হেবাত্তে বোইনে তুই তর্‌ এ চাগর্‌‌বোরেয়ো তারা ভিদিরে এক্কান জাগা দুয়োচ্‌। সালে মহারাজ ইদু আর কোজোলি গুরিবার মর্‌ কি অধিকার আঘে?”

২ শমূয়েল 21:7

শৌলর নাদিন্নোরে, অত্তাৎ যোনাথনর্ পূঅ মফীবোশতরে রাজা বাঁজেই রাগেল, কিত্যে শৌলর পূঅ যোনাথনর ইদু দায়ূদে লগেপ্রভুরে সাক্ষী রাগেইনে এক্কান্ শমক্‌ গোজ্যে।

২ বংশধর 24:22

সখরিয় বাপ্পো যিহোয়াদা রাজা যোয়াশ উগুরে যে বিশ্বেজ্‌ছান্‌ দেগেয়্যে সিয়েন্‌ যোয়াশে মনত্‌ ন-রাগেইনে তা পুয়োবোরে মারে ফেলেল। সখরিয় মুরি যেবার অক্তত্‌ কোইয়্যেদে, “লগেপ্রভু এ কামান্‌ দেগিনে তরে সাজা দিবো।”

গম্ উপদেজ্ 17:17

দাংগুবো নিত্য কোচ্‌পায়, আর ভেইবো থাইদে দুঘোত্ বল্ দিবাত্তে।

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

গম্ উপদেজ্ 19:7

নাঢা মান্‌জ্যরে তা কুদুম্মোগুনে বেক্কুনে যেক্কে চোগেদি ন-দেগন্ সেক্কেনে ইয়েন ঘেচ্চেক্‌গুরি তা সমাজ্যেগুনে তাত্তুন্ দূরোত্ থেবাক্; তা কোজোলীলোই তারা কান ন-পাদিবাক্।

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

প্রেরিত্‌ 23:12

তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

দ্বি’লম্বর বিররণ 22:1

তমার ইস্রায়েলীয় ভেইয়োর কনঅ গোরু বা ভেড়া পথ্‌ আরেইনে অন্য কনমিক্ক্যে যাদে দেগিলে তুমি অলর্ গুরি বোঈ ন-থেবা। তুমি হামাক্কায় সিবে তাইদু ফিরেইনে নেযেবা।