গম্ উপদেজ্ 25:6 - Chakma Bible

⁶ রাজার মুজুঙোত্ নিজোরে জাহির্ ন-গোজ্য; মহৎ মানুচ্চুনো ভিদিরে নিজোত্তে জাগা দাবি ন-গোজ্য;

গম্ উপদেজ্ 25:6 ပူးပေါင်းရင်းမြစ်များ

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

যাত্রা 3:11

মাত্তর্‌ মোশি, গোজেনরে কলঅ, “মুই আর্‌ কন্না, ফরৌণ ইধু যেইনে মিসর দেজত্তুন্‌ ইস্রায়েলীয়গুনোরে নিগিলেই আনি পারং।”

গম্ উপদেজ্ 16:19

বাড়্‌বোগুনো সমারে লুদেয়্যে পযাপিরানি ভাগ গুরি নেযানাত্তুন্ নম্র মনভাবপোই অত্যেচারীগুনো লগে থানা বোউত্ গম্।

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

গম্ উপদেজ্ 25:5

পাজি চাগর্‌‍বোরে রাজা মুজুঙেত্তুন্ সোরেই দুয়ো, সালে গম্ কামর ভিদিরেদি তা সিংহাসনান্ থির্ থেবঅ।

গম্ উপদেজ্ 25:7

কিত্তে তুই যেধোক্ক্যেন্ আগেত্তুন্ ধুরি দেখ্যচ্ সেধোক্ক্যেন্ গুরি দাঙর্ মান্‌‍জ্য মুজুঙোত্ চিগোন অনাত্তুন্ বরং তরে কনা উজিত, “ইদু উদি আয়।”

গম্ উপদেজ্ 27:2

অন্য জনে তরে নাঙ্ গিনোক্, তঅ নিজো মুয়োনে ন-গোরোক্; অয়, অন্য জনে সিয়েন গোরোক্।

লূকে লেখ্যে গম্ হবর্ 14:10

তুই যেক্কে নিমন্ত্রণ পেবে সেক্কে বরং বেক্কুনোত্তুন্ তলে জাগানত্ যেইনে ববে। “সালে ঘর গিরোজ্‌‌সো এইনে তরে কবঅ, ‘দাংগু, আরঅ গম্ জাগাত্ যেইনে বচ্চ্যই।’ সেক্কে অন্য বেক্‌ গর্বাগুনো মুজুঙোত্ তুই সর্মান পেবে।

লূকে লেখ্যে গম্ হবর্ 14:8

যেক্কে কেঅ তমারে মেলাত্ হেবাত্তে বলান্, সেক্কে তুই সর্মান জাগাত্ যেইনে ন-বুজিবে, কিয়া তত্তুন্-অ বেশ্ অয়ত আরঅ সর্মান পেইয়্যে কাররে ভাত্যে ওইয়্যে।

১ শমূয়েল 15:17

শমূয়েলে কলঅ, “একদিন তুই নিজোর্ চোগেন্দি চিগোন্‌ এলে, মাত্তর্‌ তো কি তুই ইস্রায়েলীয়গুনোর বেক্‌ গুট্টিগুনোর চেলা ন-অচ্‌? লগেপ্রভুই তরে ইস্রায়েল দেজ উগুরে রাজা ইজেবে অভিষেগ্ গোজ্যে।