গম্ উপদেজ্ 25:25 - Chakma Bible

²⁵ পানি তিরেস্ পেইয়্যে মান্‌‍জ্যত্তে যেধোক্ক্যেন ঠান্ডা পানি, সেধোক্ক্যেন্ দূরোত্তুন্ এচ্চ্যে গম্ হবর্।

গম্ উপদেজ্ 25:25 ပူးပေါင်းရင်းမြစ်များ

গম্ উপদেজ্ 15:30

আজি-হুজিয়ে ভরা চোগ্‌কুনে অন্যগুনোরে ফুত্তি দে, আর দোল্ হবরানিয়ে কিয়্যেগানরে গম্ রাগায়।

রোমীয় 10:15

সিয়েন বাদে কেঅ দি ন-পাধেলে কেধোক্ক্যেন্ গুরিনে প্রচারগ্‌কুনে প্রচার গুরিবাক্? পবিত্র বোইবোত্ লেগা আঘে, “বর্ পেইয়্যে তারার্ টেঙানি যিগুনে ভালেদির্ গম্ হবর্ প্রচার গুরিবাত্তে এজন্।”

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

যিরমিয় 18:14

লেবাননর্ ঈন্ কি কনদিন্‌‌অ তার মুড়োমুড়ির কামা জাগাত্তুন বেক্কান গলি যায়? দূরোত্তুন এচ্চ্যে তার জুরো পানি বেঈ যানাগান কি কনদিন্‌‌অ বন্ধ ওই যায়?

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

২ শমূয়েল 23:15

এন্‌ সময়োত্‌ দায়ূদোর অমকদ পানি তিরেজে পেলঅ, সেনত্তেই তে কলদে, “আহ্‌, যুনি কনজনে বৈৎলেহমর গেদো কায়-কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

গম্ উপদেজ্ 25:26

ঘুল্ গুরি ফেল্যে আর দুষিত গোজ্যে পয়নালাবোর পানিগান যেধোক্ক্যেন্, পাজি মান্‌‍জ্যর কারনে পাপত্ পোজ্যে গোজেন ভক্ত মানুচ্অ সেধোক্ক্যেন্।

পত্থম 45:27

মাত্তর্‌ যোষেফে তারারে যিয়েনি কোইয়্যে সিয়েনি শুনিনে আর তারে নেযেবাত্তে যোষেফে যে গাড়ীগানি পাদেয়্যে সিয়েনি দেগিনে তারা বাপ্পো যাকোবর্ সেই চিন্তেগান্‌ কাদেই গেলঅ।

যিহোশূয় 22:33

সিয়েন শুনিনে তারা হুজি অলাক্‌ আর গোজেনরে ভালেদি জানেলাক্। রূবেণীয় আর গাদীয়গুনে যে দেজছানত্‌ বজত্তি গুরিদাক্‌ সিয়েন ভস্ত গুরি দিবাত্তে তারার্‌ বিরুদ্ধে যুদ্ধো গুরিবার কধাগান তারা আর্‌ ন-কলাক্‌।