গম্ উপদেজ্ 25:2 - Chakma Bible

² গোজেনে কনঅ পৌইদ্যেনে গুমুরোত্ রাগেলে সিয়েন তার বাঈনী অয়; রাজাগুনে কনঅ পৌইদ্যেনে হবর্ লোইনে ফগদাং গুরিলে সেক্কে তারার্ বাঈনী অয়।

গম্ উপদেজ্ 25:2 ပူးပေါင်းရင်းမြစ်များ

২ শমূয়েল 1:5

যে গাবুজ্যেবো এ হবরান্‌ আন্যে দায়ূদে তারে পুযোর্‌ গুরিলো, “তুই কিঙিরি থার্ পেলে, শৌল আর তার পূয়ো যোনাথনে মুরি যেইয়োন?”

২ শমূয়েল 14:19

রাজা কলঅ, “ইয়েনি পৌইদ্যেনে তঅ লগে কি যোয়াবর আঢ্ আঘে?” জোবত্‌ মিলেবো কলঅ, “ও মঅ গিরোজ্‌ মহারাজ, তঅ পরাণর নাঙে কঙর্, তুই যিয়েনি কোইয়োচ্‌ সিয়েনিত্তুন্‌ কারর্ ডেনে বা বাঙে সুরি যেবার্‌ খেমতা নেই। অয়, তঅ চাগর্‌ যোয়াবে এ কামান গুরিবাত্তে কোইয়্যে আর মরে এ কধানি কবাত্তে শিগেই দিয়্যে।

ইষ্রা 4:15

ইয়েনত্ রাজা যেনে তার পূরোণী মানুচ্চুনোর্ বিজগ বোইবোত্ তোগেইনে চান্। সেই বোইবো ভিদিরে তুই দেগিবেদে যে, যিরূশালেমান এক্কান উল্লোমী শঅর্; এই শঅরান্ রাজাগুনোর্ আর রেজ্যগানির্ শাজন্‌‌‌‌‌গুরিয়্যেগুনোরে বোউত্ দুঘ্ দুয়োন আর ভালোক্ দিন আগেত্তুন্ ধুরি সেই শঅরত্ বিদ্রোহ ওই এজের্। সেনত্যে সেই শঅরানরে ভস্ত গরা ওইয়্যে।

ইষ্রা 4:19

মুই উগুম গুরিলে পরেদি সিয়েন বিজিরে ওইয়্যে আর হবর্ পাহ্ যেইয়্যেদে যে, ভালোক্ বজর্ আগেত্তুন্ ধুরি সেই শঅরানে রাজাগুনোর বিরুদ্ধে উল্লোমী গুরি এজের্; আজলে সিয়েন এমন এক্কান শঅর্ যিয়েনর্ মানুচ্চুনে শাজন্ ন মানন্।

ইষ্রা 5:17

ইক্কিনে মহারাজে যুদি চায় সালে বাবিলোর্ রাজ-সরকারর কাগজপাদি রাগেবার জাগায়ান্ থবাত্তে যেইনে দেগিবাক্ যে, ‍যিরূশালেমত্ গোজেনর্ এই ঘরান বানেবার উগুমান রাজা কোরসে ঘেচ্চ্যেকগুরি দিয়্যে কিনা। সে পরেদি এই বেপারে মহারাজে যিয়েনি ঠিগ্ গুরিবো সিয়েনি যেনে আমারে জানেই দে।

ইষ্রা 6:1

রাজা দারিয়াবসে উগুম দিলে পরেদি মানুচ্চুনে বাবিলোর রাজ-সরকারর কাগজ্‌পাদি থবার্ জাগানত্ যেইনে সিয়েনি তোগেইনে দেগিলাক্।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

ইয়োব 38:4

মুই পিত্‌থিমীর গড়াগান থিদেবর্ গুরিবার অক্তত্ তুই কুদু এলে? যুনি তর্ বুদ্ধি থায় সালে কঅ।

ইয়োব 40:2

“বেগত্তুন খেমতাবলা গোজেন সমারে যে কোল্ বাজায় তে কি তারে পরিবত্তন্ গুরিবো? গোজেন সমারে যে তর্ক গরে তে তারে জোব্ দুয়োক্।”

ইয়োব 42:3

তুই পুযোর্ গোজ্যচ্ছে, ‘ইবে কন্না, যে ন-বুঝিনে মঅ উদ্দেশ্যগানরে ভিদিরে ভিদিরে রাগায়?’ এ কধাগান ঠিগ্ যে, মুই যিয়েন ন-বুঝোং সে পৌইদ্যেনে কধা কোইয়োং; সিয়েন এদক্ আমক্ অবার্ যে, মর্ বুঝোনার বারেদি।

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

গম্ উপদেজ্ 25:3

আগাজ্‌‍ছান যেধোক্ক্যেন অজল্ আর পিত্‌‍থিমীগান গভিন্, সেধোক্ক্যেন্ রাজাগুনোর রিবেঙানি তোগেইনে ন-পায়।

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।