গম্ উপদেজ্ 24:7 - Chakma Bible

⁷ জ্ঞানান্ বাজে-বিবেক্ মান্‌জ্যর নাগাল বারেদি; শঅর-গেদো তেম্মাঙত্ তার কিজু কবার যোগ্যতা ন-থায়।

গম্ উপদেজ্ 24:7 ပူးပေါင်းရင်းမြစ်များ

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

ইয়োব 5:4

তা পূঅগুনে গমেডালে ন-থান; বিচের জাগানত্‌ তারা বেক্কানি আরান্‌, তারার্‌ রোক্ষ্যেগুরিয়্যে কনজন ন-থেবাক্‌।

গীতসংহিতা 10:5

নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

গীতসংহিতা 127:5

বর্ পেইয়্যে সেই মানুচ্চো, যিবের সেল্ রাগাইদ্যে থৈল্যে ধোক্ক্যেন সেল্লোই ভরা; শঅর্ গেদো কুরে বিপক্কগুনো সমারে কধা কবার্ অক্তত্ তারা ন লাজেবাক্।

গম্ উপদেজ্ 14:6

যে ঠাট্টা-ঈচ্ গরে তে জ্ঞানান্ তোগেলেয়ো ন-পায়, মাত্তর্ যিবের বিচেরবুদ্ধি আঘে তে সহজে জ্ঞানান্ পায়।

গম্ উপদেজ্ 15:24

বুদ্ধিবলা মান্‌জ্যর জিংকানির পথ্‌তানে তারে উগুরেদি নেযায়, আর সেক্কে তে তলেদি মরণ জাগাত্ যানাত্তুন্ রোক্ষ্যে পায়।

গম্ উপদেজ্ 17:16

জ্ঞান পেবাত্তে বিবেচনা নেইয়্যে ভুল্ মান্‌জ্য আঢত্ টেঙা থেলে কি লাভ? তার দঅ বুদ্ধি নেই।

গম্ উপদেজ্ 17:24

যিবের বিচেরবুদ্ধি আঘে তে জ্ঞানন্দি মনান্ দে, মাত্তর্ বিবেচনা নেইয়্যে মান্‌জ্যর মনান্ দুনিয়ের বেক্কানিন্দি ঘুরি বেড়ায়।

গম্ উপদেজ্ 17:7

চিগোন মন মানুচ্চুনোর দাঙর্ দাঙর্ কধা কনা ন-মানায়, আরঅ দাঙর্ মান্‌জ্যর মিজে কধা কনায়ো ন-মানায়।

গম্ উপদেজ্ 22:22

এক্কো মানুচ্ অসহায় বিলিনে জোর্ গুরি তা জিনিসছানি ন-নেযেয়ো, আর বিচের-জাগাত্ অভাবীর সর্বনাশ ন-গোজ্য;

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

গম্ উপদেজ্ 31:23

তা নেক্কো শঅর গেদোত্ সর্মান পায়; তে সিদু দেজর বুড়ো নেতাগুনো সমারে বজে।

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিশাইয় 32:6

কিত্তে চিগোন মন মানুচ্চো ভান্ন্যেই কধা কয় আর তা মনান্ ভান্ন্যেয় পৌইদ্যেনে লুদুপুদু গুরি থায়। তে জঘন্য জঘন্য কাম গরে আর লগেপ্রভু পৌইদ্যেনে অগমানর্ কধা ছড়ায়। তে এমন্ বেবস্থা গরে যেনে পেট্ পুজ্যে মানুচ্চুনে হানা ন-পান্ আর পানি তিরেস্ পেইয়্যে মানুচ্চুনে পানি ন-পান্।

আমোষ 5:10

যে মানুচ্চো শঅর গেদোত্ অন্যেয়র্ বিরুদ্ধে থিয়্যেই তুমি দঅ তারে ঈচ্ গরঅ আর যে সত্য কধা কয় তারে তুচ্ছো গরঅ।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।