গম্ উপদেজ্ 24:31 - Chakma Bible

³¹ চেলুং বেগ জাগায়ানত্ কাদা গাজ্ জোর্মেয়োন, হের্‌‍লোই মাঢিগান ঢাগা যেইয়্যে, আর পাত্তর দেবালান্অ ভাঙি পোজ্যে।

গম্ উপদেজ্ 24:31 ပူးပေါင်းရင်းမြစ်များ

ইয়োব 30:7

ঝুবো ভিদিরেত্তুন তারা গাধা ধোক্ক্যেন ডাগিদাক্, কাঙেলেত্যে ভিদিরে ঠেলাতিলি গুরিনে বজত্তি গুরিদাক্।

ইয়োব 31:40

সালে যেনে সিয়েনত্ গম বদলে কাদাগাজ্ উদে আর মোক্ক্যের্ বদলে হের্।” ইয়োত্ ইয়োবর কধানি থুম্ ওইয়্যে।

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 19:23

লগেপ্রভু উগুরে ভোক্তিবলা দরানে পরিপূরোন জিংকানি ইন্দি নেযায়; যিবের সেই জিংকানিগান আঘে তে ভর্‌‌পুনোং থায়, কনঅ দযা তাইদু এই ন-পারে।

গম্ উপদেজ্ 20:4

আল্‌সি মান্‌জ্যে ঝার্ কালত্ চাষ ন-গরন্, সেনত্তে খেত্-খেত্তি কাবিবার অক্তত্ তে চেলেয়ো কিচ্চু ন-পেবঅ।

গম্ উপদেজ্ 22:13

আল্‌সি মান্‌জ্যে কন্, “বারেদি সিংহ আঘে, পদথ্ গেলে মুই মুরি যেম্।”

গম্ উপদেজ্ 23:21

কিত্তে মাত্তল্ আর পেদুক্কুনে নাঢা ওই যান্, আর ঘুম ঘুম ভাব্ মান্‌জ্যরে ফাদা কাবড় উরোই।

গম্ উপদেজ্ 24:32

মুই যিয়েন দেগিলুং সিয়েনত্ মনান্ দিলুং, সিয়েন দেগিনে মুই এ শিক্ষ্যেগান পেলুং,

উপদেশক 10:18

আল‍‍্‌সি মান্‌জ্যর ঘর ছালান্ লুঙি পড়ে; আল্‌সির কারনে ঘরত্ পানি পড়ে।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 4:3

লগেপ্রভু যিহূদা আর যিরূশালেমর মানুচ্চুনোরে কলদে, তুমি উগুজ্যে ভূই চাষ গরঅ আর কাদা ঝার ভিদিরে বিজি ন-ফেল্য।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 13:7

আরঅ কয়েক্কো বীজি কাদা ঝার ভিদিরে পড়িলাক্। সেক্কে কাদাগাজ্‌চুন দাঙর্ ওইনে চারাগুনোরে চাপি রাগেলাক্।

ইব্রীয় 6:8

মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।