গম্ উপদেজ্ 24:23 - Chakma Bible

²³ ইয়েনিয়ো জ্ঞানীগুনোর কোইয়্যে কধা। বিচেরত্ কারঅ পক্ষ নেযানা গম্ নয়।

গম্ উপদেজ্ 24:23 ပူးပေါင်းရင်းမြစ်များ

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 13:8

তা পক্ষ ওইনে কি একচোখ্যে গুরিবা? গোজেনর্ ওইনে কি তর্ক গুরিবা?

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গম্ উপদেজ্ 1:6

যেন মানুচ্চুনে চলেত্যে কধানি সিয়েনি আর ভেদ্‌বলা কধানি আর জ্ঞানীগুনোর কধানি আর ভানাগানি বুঝোন্।

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

গম্ উপদেজ্ 22:17

জ্ঞানীগুনোর কধানি শুনো, তারা যিয়েনি কোইয়োন সিয়েনি শুনো; মুই তরে যে শিক্ষ্যেনি দুয়োং সিয়েনি তুই মনযোগ দে।

গম্ উপদেজ্ 28:21

বিচেরত্ কার তপ্পে নেযানা ঠিগ্ নয়; যে সিয়েনি গরে তে এক কট্টা রুটিত্তেয়ো অন্যেয় গুরি পারে।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

যোহন 7:24

বারেদি চেঙারা দেগিনে বিচের্ ন-গুরিনে বরং গমেডালে বিচের্ গরঅ।”

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।