গম্ উপদেজ্ 24:2 - Chakma Bible

² কিত্তে তারার রিবেঙানিয়ে অত্যেচার্ গুরিবার কুজুরোমি গরে, আর তারার মুয়োনি অন্যেয় গুরিবার কধা কয়।

গম্ উপদেজ্ 24:2 ပူးပေါင်းရင်းမြစ်များ

ইয়োব 15:35

তারার্‌ পেদত্‌ থেবদে শদান্‌ আর তারা জর্ম দিবাক্‌ ভান্ন্যেইয়ুনোরে; তারার্‌ পেদত্‌ জোর্মেবদে ছলনা।”

গীতসংহিতা 10:7

তা মুয়োন্ অভিশাবে, ঠোগেয়্যে আর অত্যেচারর্ কধালোই ভরা; তা জিলানত্ রোইয়্যেদে অন্যেয় আর ভান্ন্যেয়র্ কধা।

গীতসংহিতা 140:2

তারা মনে মনে কুজুরো ফন্দি গরন্ আর পত্তিদিন যুদ্ধ বাজান্।

গীতসংহিতা 28:3

যিগুনে পাজি, যিগুনে বজং কাম্ গুরি গুরি বেড়ান্, যিগুনে বেক্কুনো সমারে গমেডালে কধা কন্ অদচ ভান্ন্যেয়ানি মনত্ রাগান্, তারা লগে সাজা দিবাত্তে তুই মরে টানি ন-নেযেচ্।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 38:12

মরে যিগুনে মারে ফেলেবাত্তে চান্ তারা মত্তে ফাল্ পাত্যন্; যিগুনে মরে ক্ষেতি গুরিবাত্তে চান তারা মরে ভস্ত অবার্ দর্ দেগান; পুরো দিন্নো তারা বানা মরে ঠোগেবার ফন্দি গরন্।

গীতসংহিতা 7:14

অন্যেয়গুরিয়্যেবো বজঙানিরে মনত্ রাগায়, অন্যেয়রে মনত্ রাগেইনে জ্বালাপোড়াত্ ভুগে আর মিজেগানি ফগদাঙ্ গরে।

গম্ উপদেজ্ 1:10

পুয়োবো মর্, পাপিগুনে যুনি তরে ভান্ন্যেই পধেদি নিবাত্তে চান তুই রাজি ন-ওচ্।

গম্ উপদেজ্ 24:8

যে কনজনে ভান্ন্যেয়র পরিকল্পনা গরে মান্‌জ্যে তারে কুজুরোমি গুরিয়্যে বিলি হবর্ পান।

গম্ উপদেজ্ 6:14

বজং মনে নিত্য কুজুরোমি গরে আর যাগুলুক্ বাজায়।

গম্ উপদেজ্ 6:18

কুজুরোমিলোই ভরা মনান্, অন্যেয় কাম গুরিবাত্তে ধাবা যেইয়্যে টেঙানি,

যিশাইয় 30:12

সেনত্তে ইস্রায়েলর সেই পবিত্র মানুচ্চো এ কধাগান্ কোইয়্যেদে, “তুমি মঅ কধাগান্ এলাফেলা গোজ্য, আর মিজে আর অত্যেচার্ গরানা উগুরে বিশ্বেজ্ গোজ্য।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

১ শমূয়েল 23:9

দায়ূদে যেক্কে হবর্‌ পেলঅ, শৌল তার বিরুদ্ধে কুজুুরোমি গরের্‌ সেক্কে তে ধর্মগুরু অবিয়াতররে কলঅ, “তর্‌ এফোদতো ইদু আন্।”