গম্ উপদেজ্ 24:16 - Chakma Bible

¹⁶ কিত্তে গোজেন ভক্ত মান্‌‍জ্যে সাত পল্লা পুড়িলেয়ো আরঅ উদে, মাত্তর্ পাজিগুনোর দজা এলে তারা এক্কুবারে ভাঙি পড়ন্।

গম্ উপদেজ্ 24:16 ပူးပေါင်းရင်းမြစ်များ

পত্থম 19:35

এধোক্ক্যেনগুরি তারা সে রেদোত্‌অ তারা বাপ্পোরে আংগুর-রস হাবেইনে মাত্তল্‌ গুরিলাক্‌ আর চিগোন ঝিবো বাবঅ লগে ঘুম্‌ গেলঅ। ঝিবো কক্কে তা লগে ঘুমোত্‌ পড়ল আর কক্কে বা উদি গেলঅ তে সিয়েন্‌ টার্‌অ ন-পেলঅ।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 34:21

অন্যেয়গুরিয়েবোর মরণান অবদে ভান্ন্যেই মানুচ্চুনোর আঢত্; যিগুনে ন্যায় কাম্ গরন্ তারারে ঘিনেইয়্যে মানুচ্চুনোর সাজা অবঅ।

গীতসংহিতা 37:24

পড়ি গেলেয়ো তারা পড়ি ন-থেবাক্, কিত্যে লগেপ্রভুর আঢ্‌‌তানিয়ে তারারে ধুরি রাগেয়্যে।

গীতসংহিতা 52:5

মাত্তর্ গোজেনে তরে উমরত্তে ভস্ত গুরিবো; তে তরে টানি আনিবো, তর্ তাম্বুলোত্তুন্ কারি আনিবো, জেদাগুনোর দেজত্তুন্ তরে উগুরে ফেলেব।

গীতসংহিতা 7:16

তা অন্যেয়র্ ভারান্ তা নিজো মাঢাবোত্ ফিরি এজে; তে যে অত্যেচার্ গরে সিয়েন্ তা মাঢাবো উগুরে লামি এজে।

গীতসংহিতা 79:12

ও প্রভু, আমা কায়-কুরে জাদ্‌তুনে যেবাবোত্যে গুরি তরে গেইল্ দুয়োন, সেই সাতগুন সাজা তুই তারারে ফিরেই দে।

গম্ উপদেজ্ 13:17

পাজি হবর্ দিয়্যেবো দজাত্ পড়ে, মাত্তর্ গম্ হবর্ দিয়্যেবো ভালেদি আনে।

গম্ উপদেজ্ 13:21

ফীবলাগানে পাপীগুনো পিজে পিজে এজে, মাত্তর্ ভালেদিগান অলঅ গোজেন ভক্তগুনোর্ পাওনা।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 24:22

কিত্তে তারা উগুরে অদাতৎ দজা এবঅ, লগেপ্রভু আর রাজা ইত্তুন্ কিবাবোত্যে দজা এবঅ সিয়েন কন্না হবর্ পায়?

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

যিরমিয় 18:17

তারা শত্রুগুনো মুজুঙোত্ মুই পূগো বোইয়্যের ধোক্ক্যেন তারারে ছিদি দিম্; দজার্ দিনোত্ মুই তারারে মর্ মুয়োদি নয় মাত্তর্ পিঠ দেগেম।”

যিরমিয় 8:4

লগেপ্রভু মরে এ কধাগান কবাত্তে কোইয়্যেদে, মানজ্যে পড়ি গেলে কি আর ন-উদোন? ভান্ন্যেই পধথ্ গেলে কি ফিরি ন-এজন্?

যিহিষ্কেল 7:5

প্রভু লগেপ্রভু কোইয়্যেদে, দযা! এক্কান দাঙর্ দযা এজের্!

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

১ শমূয়েল 26:10

জেদা লগেপ্রভুর নাঙে কঙর্, লগেপ্রভু নিজেই তারে সাজা দিবো। অয় তে এমনে মুরি যেবঅ, নয়দ যুদ্ধোত্‌ যেইনে শেজ্‌ ওই যেবঅ।

১ শমূয়েল 31:4

শৌল সেক্কে তার অাত্যের্ বুয়োইয়্যে মানুচ্চোরে কলঅ, “তর্‌ লাম্বা ছুড়িগান নিগিলেনে মর্‌ কিয়্যেগান এফুর্‌-উফুর্‌ গুরি দে। সিয়েন ন-গুরিলে সেই চুনুগুলোবোর্ মাঢাবোর চামান্ ন-কাপ্যে মানুচ্চুনে এইনে মর্‌ কিয়্যেগান এফুড়-উফুড় গুরিবাক্‌ আর মরে অগমান গুরিবাক্‌।” মাত্তর্‌ তার অাত্যের্ বোইয়্যেবো সিয়েন্‌ গুরিবাত্যে রাজী ন-অলঅ, কিত্যে তে অমকদ দোরেইয়্যে। সেক্কে শৌল তার লাম্বাছুড়িগান্‌ লোইনে নিজেই তা উগুরে পড়িলো।