গম্ উপদেজ্ 24:13 - Chakma Bible

¹³ মঅ পুয়োবো, মধু হা, কিত্তে সিয়েন গম; মু বাত্তুন্ মধু হা, সিয়েন তঅ মুয়োদি মিদে লাগিবো।

গম্ উপদেজ্ 24:13 ပူးပေါင်းရင်းမြစ်များ

গীতসংহিতা 119:103

তর্ বেক এগেমানি মঅ জিলানত্ কেজান্ মিদে লাগে! সিয়েন মর্ মুয়োন্দি মধুত্তুন্অ বেশ্ মিদে লাগে।

গীতসংহিতা 19:10

সিয়েন সনাত্তুন্‌অ, ভালোক্কানি খাটি সনাত্তুন্‌অ বেশ্ বেশ্ আওজ্ গোজ্যে জিনিস। সিয়েন মধুত্তুন্অ বেশ্ মিদে, মুবাত্তুন্ ঝোজ্যে মধুত্তুন্অ বেশ্ মিদে।

গম্ উপদেজ্ 16:24

মিদে কধা মু বাহ্ ধোক্ক্যেন্; মনানত্তে সিয়েন মধুর আর কিয়্যেগানরে গম্ রাগায়।

গম্ উপদেজ্ 25:16

তুই মধু পেলে পরিমান মজিম্ হেচ্, বেশ্ হেলে উগুলিবে।

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

গম্ উপদেজ্ 27:7

যিবে পেট্‌‌তো ভরা মধুয়ো গম্ ন-পায়, মাত্তর্ যিবের পেট্ পুরে তাইদু তিদেগান্‌অ মিদে লাঘে।

পরমগীত 4:11

মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 7:15

যিয়েন ভান্ন্যেই সিয়েন এলাফেলা গুরিবার আর যিয়েন গম্ সিয়েন বেঈ লবার্ জ্ঞান পেবার অক্তত্ তে দই আর মধু হেবঅ। মাত্তর্ ও রাজা আহস, সে সময়বোর্ আগেদি যিগুনোরে তুই দরাচ্ সে দ্বিবে রাজার দেজ্ খালি ওইনে পড়ি থেবঅ।

মথি লেখ্যে গম্ হবর্ 3:4

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ। আর তার্ হানাগান এলঅ ঝার মধু আর পুগ্‌‌-যুগ্।

বিচের গুরিয়্যেগুন 14:9

তে দ্বিআঢন্দি সে মধুগান তুলিনে খাদে খাদে গেলঅ। সে পরেন্দি তে মা-বাবঅ ইদু যেইনে তারারেয়ো সে মধুগান দিলো আর তারায়ো সিয়েন খেলাক্‌। মাত্তর্‌ সে মধুগান যে সিংহবোর্ মরাকিয়্যেগান ভিদিরেত্তুন্‌ নেযেয়্যে সিয়েন তারারে ন-কলঅ।

১ শমূয়েল 14:27

যোনাথনে ন-শুনে, তা বাপ্পো মানুচ্চুনোরে এধোক্ক্যেন এক্কান শমক্‌ খাবেয়্যে। সেনত্তে তে তার আঢঅ লুদিক্কোর আগাগান বাবেইনে মুবাগানত্ গুদেল আর মধু আঢেত্‌ নেযেইনে খা ধুরিলো। সেক্কে তা কিয়্যেত্‌ বল্‌ ফিরি এলঅ।